මැදපෙරදිග හෝමුස් සමුද්ර සන්ධිය (Strait of Hormuz) වසා දැමීමත් සමඟ ආසියානු කලාපයේ ප්රතිපත්ති සම්පාදකයින්ගේ අවධානය ලොව කාර්යබහුලම මුහුදු මාර්ගය වන මලක්කා සමුද්ර සන්ධියේ (Strait of Malacca) ආරක්ෂාව කෙරෙහි යොමු වී තිබේ. ඉන්දුනීසියාව, තායිලන්තය, මැලේසියාව සහ සිංගප්පූරුව යන රටවලට මායිම්ව පිහිටි කිලෝමීටර් 900ක් පමණ දිගු මෙම මුහුදු මාර්ගය, නැගෙනහිර ආසියාව සහ මැදපෙරදිග මෙන්ම යුරෝපය යා කරන කෙටිම මුහුදු ගමන් මාර්ගයයි.
උපායමාර්ගික සහ ජාත්යන්තර අධ්යයන මධ්යස්ථානයට (CSIS) අනුව ලෝක වෙළෙඳ නාවික ගමනාගමනයෙන් 22%ක් පමණ සිදුවන්නේ මලක්කා සමුද්ර සන්ධිය හරහාය. විශේෂයෙන්ම චීනය, ජපානය සහ දකුණු කොරියාව වැනි බලශක්ති අවශ්යතාව ඉහළ රටවල් වෙත මැදපෙරදිගින් තෙල් සහ ගෑස් ප්රවාහනය කරනු ලබන්නේ මෙම මාර්ගයෙනි. ඉරාන යුද්ධය හේතුවෙන් හෝමුස් සමුද්ර සන්ධිය අවහිර වීමත් සමඟ මලක්කා සමුද්ර සන්ධිය වැනි ප්රධාන “බාධක ස්ථාන” (Chokepoints) වල සුරක්ෂිතභාවය සහ සැපයුම් දාම ස්ථාවරත්වය පිළිබඳව ආසියානු රටවල් මේ වන විට දැඩි සැලකිල්ලක් දක්වයි.
