මහනුවර ත්රිත්ව විද්යාලය සහ කටුගස්තොට ශාන්ත අන්තෝනි විද්යාලය අතර අස්ගිරිය ජාත්යන්තර ක්රිකට් ක්රීඩාංගණයේදී පැවැති 107 වැනි “කන්ද උඩරට නිල්මහා සටන” වාර්තාගත ජයග්රහණයකින් අවසන් කිරීමට ත්රිත්ව විද්යාලය සමත් විය.
තරගයේ ප්රථමයෙන් පන්දුවට පහරදුන් ශාන්ත අන්තෝනි විද්යාලය සියලුදෙනා දැවී ලකුණු 157ක් රැස් කළ අතර, ඊට පිළිතුරු ලෙස ත්රිත්ව විද්යාලය ලකුණු 264ක් ලබා ගත්තේය. අනතුරුව සිය දෙවන ඉනිම ක්රීඩා කළ අන්තෝනිවරුන්ට ලබාගත හැකි වූයේ ලකුණු 170ක් පමණි.
ජයග්රහණය සඳහා ලකුණු 64ක ඉලක්කයක් හඹා ගිය ත්රිත්ව විද්යාලය එක් කඩුල්ලක් දැවී ලකුණු 63ක් ලබා සිටියදී ප්රේක්ෂකයින් පිටියට පිවිසීම හේතුවෙන් තරගය තාවකාලිකව නතර කෙරිණි. පසුව තරගය යළි ආරම්භ කිරීමට සූදානම් වුවද ශාන්ත අන්තෝනි විද්යාලයීය කණ්ඩායම පිටියට නොපැමිණීම හේතුවෙන්, තරගයේ ජයග්රහණය ත්රිත්ව විද්යාලයට පිරිනැමීමට විනිසුරුවරුන් තීරණය කළහ.
