මැදපෙරදිග යුද ගින්න කලාපීය මෙන්ම ලෝක සාමයට ද දැඩි තර්ජනයක් වෙමින් පවතින පසුබිමක, අසල්වැසි රාජ්යයන්ට ප්රහාර එල්ල කිරීමෙන් වැළකී සිටින ලෙස පලස්තීනයේ හමාස් සංවිධානය ඉරානයෙන් විශේෂ ඉල්ලීමක් කර තිබේ. කලාපය පුරා ගැටුම් ව්යාප්ත වීම පාලනය කිරීම සඳහා මෙම යුද්ධය වහා නතර කිරීමට මැදිහත් වන ලෙස ද ඔවුන් ජාත්යන්තර සංවිධානවලින් ඉල්ලා සිටින බව විදෙස් මාධ්ය වාර්තා කරයි.
අමෙරිකාව සහ ඊශ්රායලය එක්ව ඉරානයට එල්ල කරන ප්රහාර ජාත්යන්තර නීතිය උල්ලංගනය කිරීමක් බව පෙන්වා දෙන හමාස් සංවිධානය, එම ගැටුම් හේතුවෙන් අසල්වැසි රටවල් පීඩාවට පත්වීම වැළැක්විය යුතු බව අවධාරණය කරයි. අමෙරිකාව, බ්රිතාන්යය සහ ඊශ්රායලය ඇතුළු බටහිර රටවල් රැසක් විසින් හමාස් සංවිධානය ත්රස්තවාදී කණ්ඩායමක් ලෙස නම් කර තිබුණද, ඉරානයේ ප්රධාන මිත්ර පාර්ශවයක් ලෙස ඔවුන් සිදුකළ මෙම ඉල්ලීම දේශපාලනික වශයෙන් ඉතා වැදගත් වේ.
