ධවල මන්දිරයේ පැවැති වාර්ෂික මාධ්ය හමුවක් අතරතුර තමන් ඉලක්ක කර ගනිමින් සිදුවූ වෙඩි තැබීමේ සිද්ධිය, සිය පාලනයේ පවතින ප්රබලත්වය පිළිබඳ සාක්ෂියක් බව ඇමරිකානු ජනාධිපති ඩොනල්ඩ් ට්රම්ප් ප්රකාශ කරයි. සිද්ධියෙන් සුළු වේලාවකට පසු මාධ්ය ඇමතූ ජනාධිපතිවරයා, “ඔබ බලපෑමක් කරන පුද්ගලයෙකු වන විට ඔවුන් ඔබ පසුපස හඹා එනවා” යැයි පවසා සිටියේය.
මෙම ප්රහාරකයා නිරායුධ කිරීමට ආරක්ෂක අංශ සමත් වූ අතර, ට්රම්ප් ජනාධිපතිවරයා මෙහිදී තමන්ව ඒබ්රහම් ලින්කන් වැනි ශ්රේෂ්ඨ ජනාධිපතිවරුන්ට සමාන කරමින් අදහස් දැක්වීම විශේෂත්වයකි. එමෙන්ම ධවල මන්දිරය තුළ ඉදි කිරීමට යෝජිත නව ආරක්ෂිත උත්සව ශාලාවේ (White House Ballroom) අවශ්යතාවය ද ඔහු මෙහිදී යළිත් අවධාරණය කළේය. සිය පාලන කාලය තුළ සිදු කළ හමුදා ආයෝජන සහ ආර්ථික තීරණ හේතුවෙන් තමන් මෙලෙස ත්රස්තවාදීන්ගේ ඉලක්කයක් බවට පත්ව ඇති බව ට්රම්ප් ජනාධිපතිවරයා වැඩිදුරටත් සඳහන් කළේය.
