සෑම වසරකම අප්රේල් 24 සිට 30 දක්වා ක්රියාත්මක වන “ලෝක ප්රතිශක්තීකරණ සතිය” හෙටින් ආරම්භ වන බව සෞඛ්ය අමාත්යාංශයේ වසංගත රෝග විද්යා අංශයේ ප්රධාන වසංගත රෝග විද්යාඥ පාලිත කරුණාපේම මහතා සඳහන් කළේය.
ලෝක සෞඛ්ය සංවිධානය විසින් 2012 වසරේ සිට මෙම සතිය ප්රකාශයට පත් කර ඇති අතර, මෙරට ජාතික ප්රතිශක්තීකරණ වැඩසටහන 1978 වසරේ සිට ඉතා සාර්ථකව ක්රියාත්මක වේ. මේ හරහා පෝලියෝ වැනි රෝග මෙරටින් තුරන් කිරීමටත්, ළමා මරණ අනුපාතය අවම කර මිනිසුන්ගේ ආයු කාලය වැඩි කිරීමටත් සුවිශේෂී දායකත්වයක් ලැබී තිබේ.
පසුගිය වසර 50 පුරාම කිසිදු හිඟයකින් තොරව උසස් ප්රමිතියෙන් යුතු එන්නත් ලබා දීමට සෞඛ්ය අමාත්යාංශය කටයුතු කර ඇත. ඉදිරි 2030 වසර දක්වා ද යුනිසෙෆ් (UNICEF) ආයතනයේ සහය ඇතිව අඛණ්ඩව එන්නත් සැපයුම් පවත්වා ගැනීමට අවශ්ය සියලු කටයුතු සූදානම් කර ඇති බව පාලිත කරුණාපේම මහතා වැඩිදුරටත් අවධාරණය කළේය.
