2016 වසරේ මාර්තු 31 වනදා මහජන උපයෝගිතා කොමිෂන් සභාව විසින් සිදු කළ අධ්යයනයකදී මෙම වසරේදී විදුලි අර්බුධයකට මුහුණ දීමට සිදු වන බව විදුලි බල අමාත්යංශයට දැනුම් දුන් බව මහජන උපයෝගිතා කොමිෂන් සභාව පවසයි.
ශ්රී ලංකා මහජන උපයෝගිතා කොමිෂන් සභාවේ සන්නිවේදන අධ්යක්ෂ ජයනාත් හේරත් මහතා සමඟ TTVnews.lk වෙබ් අඩවිය විසින් කළ විමසීමකදී ඒ මහතා කියා සිටියේ මීට වසර 3කට පෙර විදුලි බලාගාර සෑදීමේ ප්රමාදයක් ඇති බව අනාවරණ වු බවයි.ඒ විදුලි ඉල්ලුමට ඉහළ යෑමක් සිදුවන බවත් එයට සාපේක්ෂව විදුලි සැපයුම ලබා දිය යුතුව ඇති බව විදුලි බල අමාත්යංශයට කොමිෂන් සභාව විසින් දැනුම් දීම් සිදු කළ බව ඔහු අනාවරණ කළේය.ඒ පිළිබඳ විදුලි බල අමාත්යංශයට මෙන්ම රජයට වාර ගණනාවක් දැනුම් දුන් බව හෙතෙම කියා සිටියේය. විදුලි හිඟතාවයක් ඇති වන්නට ඇති බවත් ඒ හේතුවෙන් විදුලි බලාගාර සැලසුම් වල ඇති බලාගාර සැදීම බව අධ්යක්ෂකවරයා අවධාරණය කලේය.
විදුලි අත්හිටුවීමේදී අනුගමනය කල යුතු ක්රියාමාර්ග සම්බන්ධයෙන් බලපත්ර කොන්දේසි වල සඳහන්ව ඇති බවත් එය විදුලි බල මණ්ඩලයට පිරිනමා ඇති සම්ප්රේෂණ බලපත්රයේ 30 වන වගන්තියේ සඳහන් කර ඇති බව හෙතෙම පැවසිය.
එහිදී හදිසි විදුලි බිද වැටීමකදී එය කලින් දැනුවත් කල නොහැකි නමුත් යම් විදුලි හිඟතාවයකදී හෝ ඒ කාලාන්තරයක් පවතින දැනුවත්ව විදුලිය අත්හිටුවීම් සිදු කරයිනම් අනිවාර්යෙන්ම එම විදුලි බිඳ වැටීම් පිළිබඳව මහජන උපයෝගිතා කොමිෂන් සභාවේ අවසරය ලබා ගත යුතු වන බව අධ්යක්ෂවරයා කියා සිටියේය. එමෙන්ම ඒ පිළිබඳ මහජනතාවට පෙර දැනුම් දීමක් කල යුතු වන බව ද ඔහු පැවසිය.
විදුලි බල මණ්ඩලයේම දත්තවලට අනුව විදුලිය නොසපයන අවස්ථාවලදී ඒකකය පිරිවැය රුපියල් 120 ට වඩා වැඩී පාඩුවක් බව සොයා ගෙන ඇති බවයි. ඒ අනුව දවසකට වැඩි වේලාවක් විදුලිය නොසපයා තිබිම මගීන් ආර්ථිකයට සිදුවන පාඩුව විශාල බව ඔහු අනාවරණ කර සිටියේය.
අධ්යක්ෂකවරයා කියා සිටියේ විදුලි බල මණ්ඩලයේ කාර්යය විය යුතු වන්නේ විදුලිය විසන්ධි කිරීම නොවන එය අඛණ්ඩව ජනතාවට ලබා දීම බවයි.
ශ්රී ලංකා මහජන උපයෝගිතා කොමිෂන් සභාවේ සන්නිවේදන අධ්යක්ෂ ජයනාත් හේරත් මහතා සමඟ TTVnews.lk සමඟ කළ සම්පුර්ණ සම්මුඛ සාකච්ඡාව පහත අපගේ යුටියුබ් නාලිකාව ඔස්සේ නරඹන්න.
https://www.youtube.com/watch?v=JMPe1RXpH5s
සාකච්ඡා කළේ – තරින්ද ඇල්විටිගල
