වී මිල රුපියල් 5කින් වැඩිකරන බව කෘෂිකර්ම අමාත්‍ය පී හැරිසන් මහතා පවසයි. අමාත්‍යවරයා මේ බව පැවසුවේ කුරුණෑගල වගාහානි වන්දි මුදල් ප‍්‍රදානයට එක්වෙමින්. එම අවස්ථාවට අග‍්‍රාමාත්‍යවරයාගේ ප‍්‍රධානත්වයෙන් පැවැත් වු අතර කුරුණෑගල දිස්ත‍්‍රික්කයේ ගොවීන් 950 දෙනකු වෙනුවෙන් මිලියන 140ක වන්දි මුදල් මෙහිදී වන්දි මුදල් ප්‍රදානය කෙරිණ.
රුපියල් 41 ට පැවැති සම්බා වී කිලෝවක් රුපියල් 46 ටද 38ක්ව පැවැති නාඩු වී කිලෝවක් රුපියල් 43ටද මින් ඉදිරියට මිලදීගත යුතුබව අමාත්‍යවරයා පැවසිය.
ගොවීන්ගේ නිෂ්පාදන වියදමට සාපේක්ෂව වසර ගනනාවකින් වී මිල සංශෝධනය වී නැතිබවත් ඒ අනුව සංශෝධිත මිලට අදාලව කැබිනටි පත‍්‍රිකාව අමාත්‍ය මණ්ඩලයට තමා විසින් යොමුකිරීමට නියමිත බව අමාත්‍යවරයා කියා සිටියේය.
