ශ්රී ලංකාවේ ඓතිහාසික 1996 ක්රිකට් ලෝක කුසලාන ජයග්රහණය උදෙසා උපහාරයක් ලෙස, “96 ලෙජන්ඩ්ස් ස්ක්වෙයාර්” (96 Legends Square) නමින් මහල් 46කින් යුත් සුඛෝපභෝගී නිවාස සංකීර්ණයක ඉදිකිරීම් කටයුතු බත්තරමුල්ල, ඩෙන්සිල් කොබ්බෑකඩුව මාවතේදී නිල වශයෙන් ආරම්භ කර තිබේ. Wills Realtors (Pvt) Ltd ආයතනය විසින් මෙම ව්යාපෘතිය ක්රියාවට නංවනු ලබයි.
හිටපු නායක අර්ජුන රණතුංග මහතාගේ ප්රධානත්වයෙන් යුත් 1996 ලෝක කුසලාන දිනූ කණ්ඩායමේ සාමාජිකයින් මෙන්ම, Wills Realtors නියෝජිතයින්, ව්යාපෘති උපදේශකයින්, ගොඩනැඟිලි හවුල්කරු වන නවලෝක පයිලිං (Nawaloka Piling) සහ ඉදිකිරීම් හවුල්කරු වන ආදිත්ය ලංකා ආයතනයේ නිලධාරීන් ඇතුළු ආරාධිතයන් පිරිසක් මෙම ආරම්භක අවස්ථාව සඳහා එක්ව සිටියහ.
මෙම ව්යාපෘතියේ විශේෂතා අතර, ශ්රී ලංකාවේ 1996 ලෝක කුසලාන ජයග්රහණය සංකේතවත් කරමින් ගොඩනැඟිල්ල කුඹුරු කුළුණු (Piles) 96කින් සමන්විත වන පරිදි සැලසුම් කර තිබීම කැපී පෙනේ. ගොඩනැඟිල්ලේ ක්රිකට් තේමාව තවදුරටත් ඉස්මතු කරමින්, එක් එක් නේවාසික මහල සඳහා 1996 ලෝක කුසලාන දිනූ කණ්ඩායමේ සාමාජිකයෙකුගේ නම යොදා තිබේ.
මෙම සංකීර්ණය තුළ නිදන කාමර දෙකේ, තුනේ සහ හතරේ සුඛෝපභෝගී නිවාස මෙන්ම විශේෂ පෙන්ට්හවුස් (Penthouses) ද ඇතුළත් වන අතර, පිහිනුම් තටාකයක්, ළමා තටාකයක්, ජිම්නාසියම, වහල මත පිහිටි ජෝගින් ට්රැක් එකක්, සාද ශාලාවක්, ක්ලබ් හවුස් එකක්, කෝපි සාප්පුවක්, සුපිරි වෙළෙඳසැලක්, ළමා ක්රීඩා පිටියක් සහ පිළිගැනීමේ සේවා ඇතුළු නවීන පහසුකම් රැසක් මෙහි සැලසුම් කර ඇත. මෙම ව්යාපෘතිය මඟින් ශ්රී ලංකාවේ අමතක නොවන ක්රීඩා ජයග්රහණයක මතකයන් සහ සුඛෝපභෝගී නාගරික ජීවන රටාව එකතු කරමින් බත්තරමුල්ල ප්රදේශයට සුවිශේෂී හැඩරුවක් එක් කිරීමට අපේක්ෂා කෙරේ.
