ඉන්දියාවට පලාගොස් සිටියදී එරට ආරක්ෂක අංශ භාරයට පත්ව මෙරටට පිටුවහල් කරන ලද මත්ද්රව්ය ජාවාරමකට ආධාර අනුබල දුන් සැකකරුවන් දෙදෙනෙකු බස්නාහිර පළාත් උතුරු අපරාධ කොට්ඨාසය මඟින් අත්අඩංගුවට ගෙන තිබේ. පසුගිය ජනවාරි 29 වැනිදා ගණේමුල්ල පොලිස් වසමේදී කොකේන් කිලෝග්රෑම් 4යි ග්රෑම් 423ක් සහ මත්පෙති 3,450ක් සමඟ අත්අඩංගුවට ගත් සැකකාරියකගෙන් කළ ප්රශ්න කිරීම්වලදී අනාවරණය වූ තොරතුරු මත මෙම විමර්ශන ආරම්භ විය. එහිදී හෙළි වී ඇත්තේ අදාළ ජාවාරමට සහාය දුන් ඇයගේ ස්වාමිපුරුෂයා සහ පුත්රයා මුහුදු මාර්ගයෙන් නීතිවිරෝධී ලෙස ඉන්දියාවට පලාගොස් ඇති බවයි.
නීතිවිරෝධී ලෙස ඉන්දියාවේ රැඳී සිටීම හේතුවෙන් පසුගිය මාර්තු 24 වැනිදා එරට ආරක්ෂක අංශ විසින් අත්අඩංගුවට ගත් මොවුන් දෙදෙනා ඊයේ (28) පස්වරුවේ කටුනායක බණ්ඩාරනායක ජාත්යන්තර ගුවන් තොටුපොළ වෙත පිටුවහල් කර ඇත. එහිදී අපරාධ පරීක්ෂණ දෙපාර්තමේන්තුවේ (CID) නිලධාරීන් කණ්ඩායමක් විසින් ගුවන් තොටුපොළ පැමිණීමේ පර්යන්තයේදීම සැකකරුවන් අත්අඩංගුවට ගෙන තිබේ. කොළඹ 15 ප්රදේශයේ පදිංචි 23 සහ 57 යන වයස්වල පසුවන මෙම සැකකරුවන් වැඩිදුර විමර්ශන සඳහා බස්නාහිර පළාත් උතුරු අපරාධ කොට්ඨාසය වෙත භාර දී ඇති අතර, මහා පරිමාණ මත්ද්රව්ය ජාලයක් මෙහෙයවීම සම්බන්ධයෙන් ඔවුන්ගෙන් ප්රශ්න කිරීමට නියමිතය.
