ලෙබනනය තුළදී මාධ්යවේදීන් තිදෙනෙකු ඝාතනය කිරීමට ඊශ්රායලය ගත් පියවර ඉරාන විදේශ අමාත්ය අබ්බාස් අරග්චි දැඩි ලෙස හෙළා දැක ඇති බව අල්ජසීරා පුවත් සේවය වාර්තා කරයි. මෙම ප්රහාරය සාමාන්ය යුදමය සිදුවීමක් නොව, සැලසුම් සහගතව සිදු කරන ලද “ඉලක්කගත ඝාතනයක්” බව ඔහු අවධාරණය කර සිටී.
සිය නිල ටෙලිග්රෑම් ගිණුම හරහා ප්රකාශයක් නිකුත් කරමින් විදේශ අමාත්යවරයා සඳහන් කළේ, මෙම ඝාතනයන් ලෝක මාධ්ය ප්රජාවට සිදුවූ දැඩි අලාභයක් පමණක් නොව “ලෝක හෘද සාක්ෂියට එල්ල කළ බරපතල අනතුරු ඇඟවීමක්” බවයි. සත්යය පවසන හඬවල් නිහඬ කිරීමට සහ සත්යය භීෂණයට ලක් කිරීමට ඊශ්රායලය දරන උත්සාහය මෙයින් මනාව පැහැදිලි වන බවද ඔහු පෙන්වා දුන්නේය.
මාධ්යවේදීන් ඉලක්ක කර ගනිමින් සිදු කරන මෙවැනි ක්රියාවන් ජාත්යන්තර නීති සහ සම්මුතීන් පැහැදිලිව උල්ලංඝනය කිරීමක් බවත්, එවැනි ම්ලේච්ඡ ක්රියාවන් පිළිබඳව ඊශ්රායලයට දිගු ඉතිහාසයක් පවතින බවත් අරග්චි මහතා වැඩිදුරටත් ප්රකාශ කර සිටියේය. මෙම සිදුවීමත් සමඟ කලාපීය වශයෙන් පවතින උණුසුම්කාරී වාතාවරණය තවදුරටත් වර්ධනය වී ඇති බව විදේශ විචාරකයෝ පවසති.
