ඉරානයේ ‘SPND’ නමැති න්යෂ්ටික පර්යේෂණ සංවිධානයේ අධ්යක්ෂවරයා මෙන්ම එරට න්යෂ්ටික අවි සංවර්ධන වැඩසටහනේ ප්රධානතම නිලධාරියෙකු ලෙස සැලකෙන මුරාද් අලි ෆූලද්වාන්ඩ් (Murad Ali Fouladvand), අමෙරිකානු සහ ඊශ්රායල ගුවන් හමුදා ඒකාබද්ධව එල්ල කළ ප්රහාරයකින් ජීවිතක්ෂයට පත්ව ඇති බව වාර්තා වේ. පසුගිය පැය කිහිපය තුළ ඉරානයේ උපායමාර්ගික මධ්යස්ථාන ඉලක්ක කරගනිමින් දියත් කළ දැවැන්ත ගුවන් මෙහෙයුම් මාලාවකදී මෙම ඝාතනය සිදුව ඇති බව විදේශ වාර්තා තහවුරු කරයි.
SPND සංවිධානය යනු ඉරානයේ ආරක්ෂක අමාත්යංශය යටතේ ක්රියාත්මක වන, න්යෂ්ටික ක්ෂේත්රයේ රහසිගත පර්යේෂණ මෙහෙයවන ප්රධානතම ආයතනයයි. එහි අධ්යක්ෂවරයා ලෙස කටයුතු කළ ෆූලද්වාන්ඩ් ඉලක්ක කිරීම හරහා ඉරානයේ න්යෂ්ටික තාක්ෂණික දියුණුව අඩපණ කිරීම අමෙරිකාවේ සහ ඊශ්රායලයේ මූලික අරමුණ වී තිබේ. මීට පෙර 2020 වසරේදී ඝාතනයට ලක්වූ සුප්රකට න්යෂ්ටික විද්යාඥ මොහොසින් ෆක්රිසාදේගෙන් (Mohsen Fakhrizadeh) පසු ඉරාන න්යෂ්ටික වැඩසටහනට එල්ල වූ දරුණුතම පහරදීම මෙය ලෙස සැලකේ.
මෙම ඝාතනයත් සමඟ ඉරානය සහ අමෙරිකා-ඊශ්රායල සබඳතා තවදුරටත් බිඳවැටී ඇති අතර, ඉරාන රජය පවසා ඇත්තේ සිය විද්යාඥයන් සහ නිලධාරීන් ඉලක්ක කරගනිමින් සිදුකරන මෙම “රාජ්ය ත්රස්තවාදයට” එරෙහිව දැඩි ප්රතිප්රහාර එල්ල කරන බවයි. ටෙහෙරාන් නගරය ඇතුළු ප්රධාන නගර රැසක මේ වන විටත් ගුවන් ආරක්ෂක පද්ධති සක්රීය කර ඇති අතර, මෙම ප්රහාරයත් සමඟ කලාපීය යුදමය වාතාවරණය තීරණාත්මක හැරවුම් ලක්ෂ්යයකට පැමිණ තිබේ. න්යෂ්ටික වැඩසටහනේ ප්රධානීන් මෙලෙස ඉලක්ක වීම ඉරාන ආරක්ෂක අංශවල පවතින දුර්වලතාවයක් බව ද දේශපාලන විචාරකයෝ පෙන්වා දෙති.
උපුටා ගැනීම: @RealBababanaras / Foreign Policy
