ඉරාන සන්නද්ධ හමුදා ඇමරිකානු පාබල හමුදා ආක්රමණයක පෙරමග බලා සිටින බවත්, එවැනි උත්සාහයකදී ඔවුන් ගිනිබත් කර ඔවුන්ගේ කලාපීය හවුල්කරුවන්ට සදහටම දඬුවම් කිරීමට සූදානම් බවත් ඉරාන පාර්ලිමේන්තු කථානායක මොහොමඩ් බගර් ගලිබාෆ් අද (29) ප්රකාශ කළේය. ඇමරිකාව ප්රසිද්ධියේ සාකච්ඡා ගැන කතා කළද රහසිගතව ඉරානයට එරෙහිව පාබල හමුදා මෙහෙයුම් සැලසුම් කරන බවට ඔහු චෝදනා කරයි.
මේ අතර, සති කිහිපයක් පුරා පැවතිය හැකි පාබල හමුදා මෙහෙයුමක් සඳහා පෙන්ටගනය සූදානම් වන බවට වොෂින්ටන් පෝස්ට් පුවත්පත වාර්තා කිරීමත් සමඟ කලාපීය උණුසුම තවදුරටත් ඉහළ ගොස් තිබේ. දහස් සංඛ්යාත ඇමරිකානු මැරීන් භටයින් පිරිසක් ‘යූඑස්එස් ට්රිපොලි’ (USS Tripoli) නෞකාව මඟින් ඊයේ කලාපයට පැමිණි බව ඇමරිකානු මධ්යම අණසක (US Central Command) තහවුරු කර ඇත.
කෙසේ වෙතත්, ඇමරිකානු රාජ්ය ලේකම් මාර්කෝ රූබියෝ පවසන්නේ පාබල හමුදා ආක්රමණයකින් තොරව සිය ඉලක්ක සපුරා ගත හැකි බවයි. මේ අතර, ඉරාන හිතවාදී යේමනයේ හවුති සටන්කාමීන් ද පසුගිය පැය 24 තුළ දෙවන වරටත් ඊශ්රායලයට ප්රහාර එල්ල කර ඇති අතර ඉදිරි දිනවලදී මෙහෙයුම් තවදුරටත් දැඩි කරන බවට ප්රතිඥා දී තිබේ.
