ලොව සුපිරි ගොල්ෆ් ක්රීඩක ටයිගර් වුඩ්ස් ෆ්ලොරිඩා ප්රාන්තයේදී බේබද්දෙකු ලෙස රිය පදවා (DUI) සිදුකළ අනතුරකින් පසු අත්අඩංගුවට පත්ව තිබේ. 50 හැවිරිදි වියේ පසුවන වුඩ්ස් පදවාගෙන ගිය රේන්ජ් රෝවර් (Range Rover) රථය අධික වේගයෙන් ගොස් ට්රේලර් රථයක ගැටී පෙරළී ඇති අතර, අනතුර සිදුවන අවස්ථාවේදී ඔහු මත්ද්රව්ය හෝ මත්පැන් පානය කර සිටි බවට පොලිසිය සැක පළ කරයි.
මෙම අත්අඩංගුවට ගැනීමත් සමඟ වඩාත් කතාබහට ලක්ව ඇත්තේ ඔහු එම අවස්ථාවේදී හැඳ සිටි ඇඳුම පිළිබඳවයි. ඔහු සිය නවතම ඇඳුම් සන්නාමය වන ‘Sun Day Red’ ටී-ෂර්ටයක් හැඳ සිටියදී අත්අඩංගුවට පත්වීම, එම සන්නාමයේ කීර්තිනාමයට දැඩි බලපෑමක් එල්ල කරනු ඇතැයි ඔහුගේ හිතවතුන් සහ ව්යාපාරික හවුල්කරුවන් පිරිසක් දැඩි කනස්සල්ල පළ කර ඇත. අනතුරෙන් පසු මුත්රා පරීක්ෂණයක් (Urine test) සඳහා ඉදිරිපත් වීම ද ඔහු ප්රතික්ෂේප කර ඇති බව වාර්තා වේ.
මෙම සිදුවීම හේතුවෙන් 2026 මාස්ටර්ස් (Masters) තරඟාවලිය සඳහා ඔහුට සහභාගී වීමට ඇති අවස්ථාව ද අවිනිශ්චිත වී තිබේ. වුඩ්ස්ගේ මෙම හැසිරීම ඔහුගේ පෞද්ගලික කීර්තිනාමයට මෙන්ම ඔහු විසින් පවත්වාගෙන යන ව්යාපාරික කටයුතුවලට ද විශාල පසුබෑමක් වනු ඇති බව ක්රීඩා විචාරකයෝ පවසති.
