ප්රකට ගොල්ෆ් ක්රීඩක ටයිගර් වුඩ්ස් පසුගිය සිකුරාදා ෆ්ලොරිඩාවේදී බීමත්ව රිය පදවා (DUI) අනතුරකට ලක්වීම සම්බන්ධයෙන් ඔහුගේ පෙම්වතිය වන වැනේසා ට්රම්ප් දැඩි කලකිරීමට පත්ව සිටින බව විදේශ මාධ්ය වාර්තා කරයි. මෙම සිදුවීමෙන් පසු ඇය ඔහුට දැඩි අවසාන නිවේදනයක් (Ultimatum) නිකුත් කර ඇති අතර, ඔවුන්ගේ සබඳතාව පවත්වා ගැනීමට නම් ඔහු වහාම සිය වැරදි නිවැරදි කරගත යුතු බව අවධාරණය කර තිබේ.
අලුයම 2:00 ට පමණ ෆ්ලොරිඩාවේ ජුපිටර් අයිලන්ඩ් (Jupiter Island) හි සිය නිවස අසලදී අධික වේගයෙන් ලොරියක් පසුකර යාමට උත්සාහ කිරීමේදී ටයිගර් වුඩ්ස් පැදවූ රේන්ජ් රෝවර් (Range Rover) රථය පෙරළී ගොස් ඇත. අනතුර සිදුවූ අවස්ථාවේ ඔහු කිසියම් මත් ගතියකින් පසුවූ බව පොලිසිය නිරීක්ෂණය කර ඇති නමුත්, හුස්ම පරීක්ෂණයේදී (Breathalyser) ඔහු මත්පැන් පානය කර නොමැති බව තහවුරු වී තිබේ.
වැනේසා ට්රම්ප් පවසා ඇත්තේ මින් ඉදිරියට මෙවැනි වගකීම් විරහිත ක්රියාවන් ඉවසීමට තමන් සූදානම් නොමැති බවයි. ටයිගර් වුඩ්ස්ගේ මෙම හැසිරීම සම්බන්ධයෙන් ක්රීඩා ලෝලීන් ද සිය පුදුමය පළ කර ඇති අතර, සිද්ධිය පිළිබඳව වැඩිදුර විමර්ශන ක්රියාත්මක වේ.
