ඇමෙරිකානු භාණ්ඩාගාර දෙපාර්තමේන්තුව විසින් එරට සියලුම නව මුදල් නෝට්ටු මත ජනාධිපති ඩොනල්ඩ් ට්රම්ප්ගේ අත්සන ඇතුළත් කිරීමට ගෙන ඇති තීරණය ලොව සුප්රකට රොක් ගායකයෙකු වන ජැක් වයිට් (Jack White) දැඩි ලෙස විවේචනය කර තිබේ. 1861 වසරේ සිට මේ දක්වා ඇමෙරිකානු මුදල් නෝට්ටු මත සටහන් වූයේ භාණ්ඩාගාර ලේකම්වරයාගේ සහ භාණ්ඩාගාරිකවරයාගේ අත්සන් පමණක් වන අතර ජනාධිපතිවරයෙකුගේ අත්සන මුදල් නෝට්ටු මත යෙදීමට ගත් ප්රථම අවස්ථාව මෙය ලෙස ඉතිහාසයට එක්වේ. ලබන ජූනි මාසයේ සිට ඩොලර් 100 නෝට්ටුවෙන් ආරම්භ කරමින් අනෙකුත් සියලුම නෝට්ටු සඳහා මෙම නව වෙනස සිදුකිරීමට නියමිතය.
ජැක් වයිට් සිය ඉන්ස්ටග්රෑම් (Instagram) ගිණුම හරහා උපහාසාත්මක සටහනක් තබමින් පවසා ඇත්තේ ඇමෙරිකානුවන් මූල්යමය වශයෙන් පීඩා විඳින මෙවැනි කාලයක මෙය හුදෙක් ට්රම්ප්ගේ “අහංකාරය” ප්රදර්ශනය කිරීමක් බවයි. “ඔහුගේ අත්සන පමණක් නොව, ඩොලර් සියයේ නෝට්ටුවට ඔහුගේ මුහුණත් ඇතුළත් කරගන්නැයි” ඔහු එහිදී උපහාසයෙන් පවසා ඇත. එසේම ට්රම්ප් කියුබාව ආක්රමණය කිරීමට කරන තර්ජන ද පෙන්වා දෙමින් ජැක් වයිට් පවසා ඇත්තේ ඇමෙරිකාව ලොව බලවත්ම තනතුර ලබාදී ඇත්තේ කූට, අහංකාර වංචනිකයෙකුට බවයි. කෙසේ වෙතත් භාණ්ඩාගාර ලේකම් ස්කොට් බෙස්න්ට් පවසන්නේ මෙය ඇමෙරිකානු ආර්ථිකයේ ශක්තිමත්භාවය පිළිගැනීමක් ලෙස සිදුකරන බවයි.
