ඇමෙරිකාවේ සුපිරි වෙළඳසැල් රාක්කවල සාමාන්ය රතු පැහැති මූඩි වෙනුවට කහ පැහැති මූඩි සහිත කොකා කෝලා (Coca-Cola) බෝතල් දක්නට ලැබීම මේ දිනවල විශේෂ අවධානයට ලක්ව තිබේ. මෙයට ප්රධානතම හේතුව වන්නේ අප්රේල් මස 1 වනදා සිට 9 වනදා දක්වා යෙදී ඇති යුදෙව්වන්ගේ “පාස්කු” (Passover) උත්සවයයි. මෙම උත්සව සමයේදී යුදෙව් බැතිමතුන් බාර්ලි, තිරිඟු, රයි සහ බඩ ඉරිඟු වැනි ද්රව්ය අඩංගු ආහාර පානවලින් වැළකී සිටින අතර, සාමාන්ය කොකා කෝලා නිෂ්පාදනය සඳහා බඩ ඉරිඟු සිරප් (High fructose corn syrup) භාවිත කෙරේ.
කහ පැහැති මූඩිය සහිත මෙම විශේෂ කොකා කෝලා බෝතල් නිෂ්පාදනය කර ඇත්තේ බඩ ඉරිඟු සිරප් වෙනුවට උක් සීනි (Cane sugar) භාවිත කරමිනි. එමඟින් යුදෙව් ආගමික නීතිවලට අනුව උත්සව සමයේදී මෙම පානය භාවිත කිරීම ආරක්ෂිත බව සංකේතවත් කෙරේ. බොහෝ දෙනෙක් මෙම විශේෂ රසයෙන් යුතු කොකා කෝලා තොග රැස් කිරීමට පෙළඹී ඇත්තේ සාමාන්ය පානයට වඩා උක් සීනි සහිත මෙම පානය වඩාත් රසවත් බව පවසමිනි. උත්සව සමයෙන් පසුව මෙම සීමිත නිෂ්පාදනය වෙළඳපලෙන් ඉවත් වන බැවින් මේ දිනවල ඒ සඳහා විශාල ඉල්ලුමක් පවතී.
