ලෝකයේ බොරතෙල් ප්රවාහනය කෙරෙන ප්රධානතම නාවික මාර්ගයක් වන හෝමුස් සමුද්ර සන්ධිය (Strait of Hormuz) හරහා ගමන් කරන නෞකාවලින් ගාස්තු අය කිරීමේ විශේෂ සැලසුමකට ඉරාන පාර්ලිමේන්තු කමිටුවක් අනුමැතිය ලබා දී තිබේ. ඉරාන ජාතික ආරක්ෂක කොමිසම විසින් මෙම තීරණය තහවුරු කර ඇති අතර, මෙය ඕමානය සමඟ සහයෝගයෙන් ක්රියාත්මක කිරීමට නියමිත බව වාර්තා වේ.
මෙම නව සැලසුම යටතේ ඇමරිකානු සහ ඊශ්රායල නෞකාවලට හෝමුස් සමුද්ර සන්ධිය හරහා ගමන් කිරීම සම්පූර්ණයෙන්ම තහනම් කිරීමට ඉරානය පියවර ගෙන ඇත. මීට අමතරව, ඉරානයට එරෙහිව ජාත්යන්තර සම්බාධක පැනවීමට සහය දුන් අනෙකුත් රටවල නෞකාවලට ද මෙම තහනම බලපැවැත්වෙනු ඇති බව විදෙස් මාධ්ය පෙන්වා දෙයි. ලෝකයේ සමස්ත බොරතෙල් අවශ්යතාවයෙන් 20%ක් පමණ ප්රවාහනය කෙරෙන්නේ ඉරානය සහ ඕමානය අතර පිහිටි මෙම වැදගත් මුහුදු මාර්ගය හරහාය.
කෙසේ වෙතත්, මැදපෙරදිග පවතින යුදමය වාතාවරණය හේතුවෙන් හෝමුස් සමුද්ර සන්ධිය හරහා සිදුවන නෞකා ගමනාගමනය මේ වන විට 95%කින් පමණ පහත වැටී ඇති බව නාවික බුද්ධි තොරතුරු වාර්තා පෙන්වා දෙයි. ඉරානයේ මෙම නව තීරණයත් සමඟ ගෝලීය බලශක්ති සැපයුම සහ ඉන්ධන මිල කෙරෙහි තවදුරටත් දැඩි බලපෑමක් එල්ල වනු ඇතැයි ආර්ථික විශ්ලේෂකයෝ අනතුරු අඟවති.
