ඇමෙරිකාව සහ ඉරානය අතර පවතින යුද්ධය සඳහා වැයවන පිරිවැය පියවා ගැනීමට අරාබි රටවලින් මූල්ය දායකත්වය ලබා ගැනීම පිළිබඳව ජනාධිපති ඩොනල්ඩ් ට්රම්ප් දැඩි උනන්දුවක් දක්වන බව ධවල මන්දිර මාධ්ය ප්රකාශිකා කැරොලයින් ලෙවිට් (Karoline Leavitt) ඊයේ (30) ප්රකාශ කළාය. ධවල මන්දිරයේ පැවැති මාධ්ය හමුවකදී ඇය සඳහන් කළේ අරාබි රටවල් මෙම යුද වියදම් සඳහා දායක කරවා ගැනීම ජනාධිපතිවරයාගේ ප්රධාන අදහසක් වී ඇති අතර ඒ පිළිබඳව ඉදිරියේදී වැඩිදුර තොරතුරු ඔහු විසින්ම ප්රකාශ කරනු ඇති බවයි.
මේ අතර ඉරානය සමඟ පවතින සාකච්ඡා යහපත් මට්ටමින් ඉදිරියට යන බව ද ලෙවිට් මහත්මිය මෙහිදී අනාවරණය කළාය. ඉරාන පාලන තන්ත්රය ප්රසිද්ධියේ ප්රකාශ කරන කරුණුවලට වඩා බෙහෙවින් වෙනස් එකඟතාවන් රහසිගත සාකච්ඡාවලදී ඇමෙරිකානු නිලධාරීන් සමඟ ඇති කරගෙන ඇති බවත්, වොෂින්ටනය ඉදිරිපත් කළ කරුණු කිහිපයකට ඉරානය පෞද්ගලිකව එකඟ වී ඇති බවත් ඇය වැඩිදුරටත් පවසා තිබේ.
