ඇමෙරිකානු උප ජනාධිපති ජේ.ඩී. වෑන්ස් (J.D. Vance) මහතාගේ බිරිඳ සහ එරට ප්රථම ඉන්දීය ඇමෙරිකානු දෙවැනි ප්රථම කාන්තාව වන උෂා වෑන්ස්, තමන් සහ තම ස්වාමිපුරුෂයා සෑම දේශපාලන කරුණකදීම එකඟ නොවන බව ‘NBC News’ පුවත් සේවය සමඟ පැවැත්වූ සම්මුඛ සාකච්ඡාවකදී අනාවරණය කර තිබේ. තම විවාහය තුළ පවතින මෙම මතභේද, වඩාත් විවෘත සහ ඵලදායී සාකච්ඡා සඳහා අවකාශය නිර්මාණය කරන බව ඇය මෙහිදී අවධාරණය කළාය.
තමන් උප ජනාධිපතිවරයාගේ නිල කාර්ය මණ්ඩල සාමාජිකාවක නොවන නමුත්, ඔහුට පෞද්ගලිකව වැදගත් වන හෝ ඔහුට පීඩාකාරී වන කරුණුවලදී තමන් සැමවිටම විශ්වාසවන්ත උපදේශිකාවක ලෙස කටයුතු කරන බව ඇය පවසයි. තමන් ඔහුට ආදරය කරන සහ ඔහුගේ සාර්ථකත්වය අපේක්ෂා කරන තැනැත්තියක ලෙස ලබාදෙන අදහස් ඔහුට ඉතා වැදගත් වන බව ඇය මෙහිදී පෙන්වා දුන්නාය.
එසේම 2028 ජනාධිපතිවරණ ව්යාපාරය පිළිබඳව ඔවුන් අතර දැනට වැඩි අවධානයක් යොමු නොවන බවත්, උප ජනාධිපතිවරයා මේ වන විට වැඩිපුරම අවධානය යොමු කර ඇත්තේ එළඹෙන නොවැම්බර් මාසයේ පැවැත්වීමට නියමිත අතුරු මැතිවරණය (Mid-term elections) කෙරෙහි බවත් උෂා වෑන්ස් වැඩිදුරටත් සඳහන් කළාය. තම ස්වාමිපුරුෂයාට සහාය වීම සඳහා ඔහුගේ දේශපාලන ලෝකය තුළ සිදුවන දේ පිළිබඳව නිරන්තර අවධානයෙන් පසුවන බව ද ඇය මෙහිදී පැවසුවාය.
