සුගතදාස ජාතික ක්රීඩා සංකීර්ණ අධිකාරිය රුපියල් පන් කෝටි පනස් ලක්ෂයක මුදලක් 2023 වර්ෂයේදී මුදල් අමාත්යවරයාගේ නිසි අනුමැතියකින් තොරව ස්ථාවර තැන්පතුවල ආයෝජනය කර ඇති බව ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.
රජයේ නීතිගත සංස්ථාවක හෝ අධිකාරියක කිසිදු මුදලක් මුදල් අමාත්යවරයාගේ පූර්ව අනුමැතියකින් තොරව මෙලෙස ආයෝජනය නොකළ යුතු බවට නීතිමය ප්රතිපාදන පවතින නමුත් මෙම මුදල ස්ථාවර තැන්පතු වල ආයෝජනය කර ඇත්තේ කළමනාකරණ මණ්ඩලයේ අනුමැතිය මත පමණක් බව එම වාර්තාවේ දැක්වේ. මේ අතර අධිකාරියේ ප්රධාන අරමුණු සාක්ෂාත් කර ගැනීම සඳහා ජාතික ප්රතිපත්ති රාමුවට අනුකූල වූ නිසි උපායමාර්ගික සැලැස්මක් ද සකස් කර නොතිබූ බව ජාතික විගණන කාර්යාලය වැඩිදුරටත් පෙන්වා දී තිබේ.
