අමෙරිකාව, ඊශ්රායලය සහ ඉරානය අතර පවතින දරුණු යුද ගැටුම් හේතුවෙන් ලොව ප්රධානතම බලශක්ති සැපයුම් මාර්ගය වන හෝමුස් සමුද්ර සන්ධිය (Strait of Hormuz) අඩාල වීම නිසා ලෝක වෙළඳපොළේ බොරතෙල් බැරලයක මිල ඇදහිය නොහැකි ලෙස ඩොලර් 150ත් 200ත් අතර අගයක් දක්වා ඉහළ යා හැකි බව ‘FGE NexantECA’ බලශක්ති උපදේශන ආයතනය පවසයි.
හෝමුස් සමුද්ර සන්ධිය හරහා ලෝක බලශක්ති සැපයුමෙන් පහෙන් එකක් පමණ ප්රවාහනය කෙරෙන අතර, මේ වන විට එය බොහෝ නෞකා සඳහා වසා දමා තිබේ. බලශක්ති විශේෂඥ ෆෙරෙයිඩුන් ෆෙෂාරකි (Fereidun Fesharaki) පවසන පරිදි, සතියකට තෙල් බැරල් මිලියන 100ක් පමණ වෙළඳපොළට පැමිණීම නතර වී ඇති අතර, මෙම තත්ත්වය තවත් සති හයක් හෝ අටක් පැවතියහොත් එය ගෝලීය ආර්ථිකයට දැඩි බලපෑමක් එල්ල කරනු ඇත.
ගල්ෆ් කලාපයේ රටවල් සිය දෛනික තෙල් නිෂ්පාදනය මිලියන ගණනකින් කප්පාදු කර ඇති අතර, මෙහි ප්රතිඵලයක් ලෙස දැනටමත් අමෙරිකාවේ පෙට්රල් මිල 2022න් පසු ඉහළම අගය වන ගැලුමකට ඩොලර් 4 සීමාව පසු කර තිබේ. යුද්ධය තවදුරටත් ව්යාප්ත වීමත් සමඟ තෙල් මිල පාලනය කළ නොහැකි මට්ටමට පත්වනු ඇතැයි ආර්ථික විශ්ලේෂකයෝ බිය පළ කරති.
