ශ්රී ලංකා සංචාරක සංවර්ධන අධිකාරිය (SLTDA) නිකුත් කළ නවතම දත්ත වාර්තාවලට අනුව, 2026 මාර්තු මාසයේ පළමු දින 29 තුළ පමණක් සංචාරකයින් 175,661ක් දිවයිනට පැමිණ තිබේ. මෙය මෙරට සංචාරක කර්මාන්තයේ පවතින සක්රීය වර්ධනය මනාව පිළිබිඹු කරන්නකි.
මාර්තු මාසයේ පැමිණි සංචාරකයින්ගෙන් වැඩිම පිරිසක් ඉන්දියාවෙන් වාර්තා වන අතර, එම සංඛ්යාව 45,650කි. එය සමස්ත පැමිණීම්වලින් 26%ක ප්රතිශතයකි. මීට අමතරව එක්සත් රාජධානියෙන් 17,030ක්, රුසියාවෙන් 15,579ක්, චීනයෙන් 13,449ක්, ජර්මනියෙන් 12,603ක් සහ ඔස්ට්රේලියාවෙන් 10,219ක් ලෙස සංචාරකයින් මෙරටට පැමිණ ඇත.
2026 වසරේ ජනවාරි 01 වැනිදා සිට මාර්තු 29 දක්වා කාලය සලකා බැලීමේදී, සමස්ත සංචාරක පැමිණීම් සංඛ්යාව 732,316ක් දක්වා ඉහළ ගොස් තිබේ. එම මුළු කාලසීමාව තුළද ඉන්දියාව (145,390), එක්සත් රාජධානිය (77,358) සහ රුසියාව (65,812) ප්රධානතම සංචාරක වෙළඳපොළවල් ලෙස ඉදිරියෙන් සිටින බව සංචාරක සංවර්ධන අධිකාරිය වැඩිදුරටත් සඳහන් කරයි.
