ක්රිමියානු අර්ධද්වීපයට ඉහළින් පියාසර කරමින් තිබූ An-26 වර්ගයේ රුසියානු හමුදා ගුවන් යානයක් තාක්ෂණික දෝෂයක් හේතුවෙන් අනතුරට ලක්වී තිබේ. මෙම බියකරු අනතුරින් යානයේ ගමන් ගත් පුද්ගලයන් 29 දෙනෙකුටම සිය දිවි අහිමි වී ඇති බව රුසියානු ආරක්ෂක අමාත්යාංශය නිල වශයෙන් තහවුරු කර ඇත. මියගිය පිරිස අතර එම ගුවන් යානයේ සේවය කළ කාර්ය මණ්ඩල සාමාජිකයන් හය දෙනෙකු ද සිටින බව විදෙස් මාධ්ය වාර්තා කරයි.
ඊයේ (31) සවස මොස්කව් වේලාවෙන් 6ට පමණ මෙම අනතුර සිදුව ඇති අතර යානය කඩා වැටීමට පෙර එහි දරුණු තාක්ෂණික දෝෂයක් හටගෙන ඇති බව මූලික පරීක්ෂණවලින් හෙළි වී තිබේ. ක්රිමියානු කලාපයේ පවතින උණුසුම් වාතාවරණය මධ්යයේ සිදුවූ මෙම අනතුර පිළිබඳව රුසියානු බලධාරීන් මේ වන විට පුළුල් විමර්ශනයක් ආරම්භ කර ඇත. අනතුර සිදුවූ ස්ථානයේ සුන්බුන් අතරින් මියගිය පිරිසගේ සිරුරු සොයාගැනීමේ මෙහෙයුම් ද ක්රියාත්මක වේ.
මෙම අවාසනාවන්ත සිදුවීමත් සමඟ රුසියානු හමුදා අංශවල මෙන්ම ජාත්යන්තරය තුළ ද දැඩි අවධානයක් මේ වෙත යොමුව තිබේ. තාක්ෂණික දෝෂයක් නිසා මෙවැනි හමුදා යානයක් කඩා වැටීම සම්බන්ධයෙන් ඉදිරියේදී වැඩිදුර තොරතුරු අනාවරණය වනු ඇතැයි අපේක්ෂා කෙරේ.
