වර්තමාන වේගවත් ලෝකයේ තොරතුරු ඉතා ඉක්මනින් හුවමාරු වන බැවින්, නිල නොවන මූලාශ්ර මගින් ලැබෙන තහවුරු නොකළ පුවත් සමාජ මාධ්ය ඔස්සේ ප්රචාරය කිරීමෙන් වළකින ලෙස ඩුබායි පොලිසිය අද (01) මහජනතාවට දැඩි අවවාදයක් නිකුත් කළේය.
තහවුරු නොකළ තොරතුරු බෙදාහැරීම මගින් සමාජය තුළ අනවශ්ය බියක් සහ කලබලකාරී ස්වභාවයක් (Panic) නිර්මාණය විය හැකි බවත්, එය ප්රජා ආරක්ෂාවට සහ ස්ථාවරත්වයට සෘජු තර්ජනයක් වන බවත් ඩුබායි පොලිසිය පෙන්වා දෙයි. ඇතැම් තොරතුරු හිතාමතාම මහජනතාව නොමග යැවීමේ අරමුණින් නිර්මාණය කර ඇති බව ද මෙහිදී අවධාරණය කෙරිණි.
එක්සත් අරාබි එමීර් රාජ්යයේ සයිබර් අපරාධ නීතියට අනුව, අසත්ය පුවත් සහ කටකතා පතුරුවන පුද්ගලයන්ට ඩිරාම් 100,000ක (Dh100,000) අවම දඩ මුදලක් හෝ සිරදඬුවම් නියම කළ හැකිය. එබැවින් ඕනෑම පුවතක් බෙදාහැරීමට පෙර එහි සත්යතාව රජයේ නිල වෙබ් අඩවි හෝ විශ්වාසනීය පුවත් ආයතන හරහා තහවුරු කරගන්නා ලෙස බලධාරීන් ඉල්ලා සිටියි. ඩුබායි නගරයේ දෛනික කටයුතු සාමාන්ය පරිදි සිදුකෙරෙන බැවින් කටකතාවලට නොරැවටී සත්ය කරුණු කෙරෙහි පමණක් අවධානය යොමු කරන ලෙස ද උපදෙස් දී තිබේ.
