ආසියානු කලාපය තුළ අමෙරිකාව මෙතෙක් දියත් කළ ගොඩබිම් යුද්ධ (වියට්නාමය, ඉරාකය සහ ඇෆ්ගනිස්ථානය වැනි) දීර්ඝකාලීන මෙන්ම අතිශය විනාශකාරී ප්රතිඵල අත්කර දුන් බව ඉතිහාසය සාක්ෂි දරයි. වත්මන් අමෙරිකානු ජනාධිපති ඩොනල්ඩ් ට්රම්ප් (Donald Trump) ද එවැනිම අවදානම් සහගත පියවරක් කරා ගමන් කරමින් සිටින බව ‘The Economist’ පුවත්පත අද (01) වාර්තා කළේය.
හෝමුස් සමුද්ර සන්ධිය (Strait of Hormuz) යළි විවෘත කිරීමට ඇති විකල්ප සීමා වීමත් සමඟ, ජනාධිපති ට්රම්ප් විසින් දහස් සංඛ්යාත අමෙරිකානු සෙබළුන් පිරිසක් මැදපෙරදිග කලාපයට යොමු කර තිබේ. ඉරාන වෙරළට ඔබ්බෙන් පිහිටි, එරට තෙල් අපනයනයෙන් 90%ක්ම හසුරුවන ප්රධාන මධ්යස්ථානයක් වන ඛාර්ග් දූපත (Kharg Island) ආක්රමණය කිරීමට පවා ඔහු මේ වන විට තර්ජනය කරමින් සිටියි.
ජිමී කාටර් සහ රොනල්ඩ් රේගන් වැනි හිටපු අමෙරිකානු ජනාධිපතිවරුන් මෙන්ම සදාම් හුසේන් ද මෙම දූපතට ප්රහාර එල්ල කිරීමට හෝ එය අත්පත් කර ගැනීමට මීට පෙර උත්සාහ කර තිබේ. ජනාධිපති ට්රම්ප් ද මීට පෙර මෙම දූපතට බෝම්බ ප්රහාර එල්ල කර ඇති අතර, අමෙරිකාව විසින් මෙම දූපතේ පාලනය සියතට ගතහොත් එය ඉරාන ආර්ථිකයට එල්ල වන මාරාන්තික පහරක් වනු ඇත. කෙසේ වෙතත්, එවැනි ගොඩබිම් මෙහෙයුමක් දරුණු කලාපීය යුද්ධයකට මග පාදනු ඇති බවට විදේශ විචාරකයෝ අනතුරු අඟවති.
