ගුවාම් (Guam) හි හුමාටක් (Humåtak) ප්රදේශයේ හිටපු නගරාධිපති ඩැනියෙල් සැන්චෙස්ගේ (Daniel Sanchez) ඝාතනය සම්බන්ධයෙන් චෝදනා ලැබ සිටින රූඩි ක්විනාටාගේ දෙවන නඩු විභාගය වසර පහකට පසු අද (01) යළි ආරම්භ විය. පළමු නඩු විභාගයේදී ඔහු වරදකරු වී ජීවිතාන්තය දක්වා සිරදඬුවම් නියම වුවද, ජූරි සභාවේ සිදුවූ දෝෂයක් හේතුවෙන් ශ්රේෂ්ඨාධිකරණය විසින් නව නඩු විභාගයකට නියෝග කර තිබුණි.
2021 අප්රේල් මාසයේදී හිටපු නගරාධිපති සැන්චෙස්, ක්විනාටාගේ නිවස තුළදී කතුරකින් ඇන සහ මිටියකින් පහර දී ඝාතනය කර තිබියදී සොයා ගන්නා ලදී. මෙහිදී ක්විනාටාගේ හිටපු සහකාරිය වන ජොයිනර් ස්කෙඩ් (Joyner Sked) ද වරදකාරිය වී දැනටමත් ජීවිතාන්තය දක්වා සිරදඬුවම් විඳිමින් සිටියි. නඩු විභාගයේදී විත්ති පාර්ශවය තර්ක කරන්නේ මෙම ඝාතනය සිදු කළේ ජොයිනර් ස්කෙඩ් බවත්, ඇය දැන් ක්විනාටා පිට වරද පටවා නිදහස් වීමට උත්සාහ කරන බවත්ය.
නමුත් පැමිණිල්ල පාර්ශවය අවධාරණය කරන්නේ හිටපු නගරාධිපතිවරයාගේ මරණයට සෘජුවම වගකිව යුත්තේ ක්විනාටා බවයි. 2023 දෙසැම්බර් මාසයේදී ශ්රේෂ්ඨාධිකරණය විසින් නඩු විභාගය අවලංගු කළේ, ජූරි සභිකයෙකු විසින් නඩුවට අදාළ නොවන විත්තිකරුගේ පැරණි වැරදි පිළිබඳව සාකච්ඡා කිරීම නිසා නඩු තීන්දුව අපක්ෂපාතී නොවන බව තීරණය කිරීම හේතුවෙනි. ඒ අනුව නව ජූරි සභාවක් ඉදිරියේ මෙම සතියේ සිට සාක්ෂි විමසීම යළි සිදු කෙරේ.
