කොත්මලේ, ගැරඩි ඇල්ල ප්රදේශයේදී වෑන් රථයක් මාර්ගයෙන් ඉවතට පැන අඩි 70ක් පමණ ප්රපාතයකට පෙරළී යාමෙන් එහි ගමන් ගත් පස් දෙනෙකු බරපතල ලෙස තුවාල ලබා නුවරඑළිය දිස්ත්රික් මහ රෝහලට අද (02) අලුයම ඇතුළත් කර තිබේ.
අද අලුයම 1:00 ට පමණ මෙම අනතුර සිදු වී ඇත්තේ නුවරඑළිය – ගම්පොළ ප්රධාන මාර්ගයේ මීට පෙර නායගිය ස්ථානයට සහ මෑතකදී ලංගම බස් රථයක් අනතුරට ලක්වූ ස්ථානයට ඉතා ආසන්නයේදීය. පොලිසිය සඳහන් කරන පරිදි, යතුරුපැදි අනතුරකින් තුවාල ලැබූ අයෙකුගේ සුවදුක් බැලීමට ගොස් නැවත කොත්මලේ තවලන්තැන්න බලා ධාවනය වෙමින් තිබූ වෑන් රථයක් මෙලෙස අනතුරට ලක්ව ඇත.
මෙම වෑන් රථයේ එකම පවුලේ සාමාජිකයන් සිව් දෙනෙකු සහ වෙළඳ සහයකයෙකු ගමන් කර ඇති අතර, අනතුර සිදුවන අවස්ථාවේදී වෑන් රථය ධාවනය කර ඇත්තේ එහි හිමිකරු විසින්මය. සිද්ධිය සම්බන්ධයෙන් කොත්මලේ පොලිසිය වැඩිදුර විමර්ශන පවත්වාගෙන යනු ලබයි.
