කැනඩාවේ ඇල්බර්ටා (Alberta) ප්රදේශයේදී පසුගිය මාර්තු 14 වනදා ඝාතනයට ලක්වූ 22 හැවිරිදි ඉන්දීය ජාතික බිරින්දර් සිංගේ (Birinder Singh) මරණය, වාර්ගික වෛරය පදනම් කරගත් අපරාධයක් (Hate crime) නොවන බව එරට රාජකීය කැනේඩියානු මවුන්ටඩ් පොලිසිය (RCMP) නිල වශයෙන් ප්රකාශ කර තිබේ. මෙම සිද්ධිය සම්බන්ධයෙන් දෙවන සැකකරු ද අත්අඩංගුවට ගත් බව පොලිසිය ඊයේ (01) තහවුරු කළේය.
මුලදී විවිධ ප්රජා සංවිධාන චෝදනා කළේ මෙය වාර්ගිකත්වය පදනම් කරගනිමින් සැලසුම් සහගතව සිදුකළ ඝාතනයක් බවයි. කෙසේ වෙතත්, එඩ්මන්ටන් (Edmonton) නුවර පැවැති මාධ්ය හමුවකදී RCMP ප්රධාන පොලිස් නිලධාරී ජෝන් බ්රවුන් (John Brown) අවධාරණය කළේ, ඉතා සූක්ෂම ලෙස සිදුකළ පරීක්ෂණවලින් පසුව මෙම ඝාතනය පිටුපස කිසිදු වාර්ගික පෙළඹවීමක් නොමැති බව ස්ථිරවම තහවුරු වූ බවයි.
බිරින්දර් සිංගේ මරණය සම්බන්ධයෙන් දැනට සැකකරුවන් දෙදෙනෙකු අත්අඩංගුවේ පසුවන අතර, ඔවුන්ට එරෙහිව නීතිමය පියවර ගනිමින් පවතී. මෙම ඝාතනය වාර්ගික ගැටලුවක් ලෙස හුවා දැක්වීමට ගත් උත්සාහයන් පොලිසිය විසින් ප්රතික්ෂේප කර ඇති අතර, මරණයට සැබෑ හේතුව අනාවරණය කර ගැනීමට පරීක්ෂණ තවදුරටත් ක්රියාත්මක වේ.
