අභ්යවකාශ ගවේෂණයේ නව පිටුවක් පෙරළමින්, 2028 වසරේදී න්යෂ්ටික බලයෙන් ක්රියාත්මක වන ප්රථම අභ්යවකාශ යානය අඟහරු වෙත යැවීමට නාසා ආයතනය තීරණය කර තිබේ. “Space Reactor 1 (SR-1) Freedom” ලෙස නම් කර ඇති මෙම මෙහෙයුමේදී අමෙරිකාව ප්රථම වරට අභ්යවකාශ යානයක් පදවාගෙන යාම සඳහා කිලෝවොට් 20ක විදුලි බලයක් නිපදවිය හැකි කුඩා න්යෂ්ටික ප්රතික්රියාකාරකයක් (Nuclear Electric Propulsion) භාවිතා කරනු ඇත.
මෙම යානය අඟහරු වෙත ළඟා වූ පසු “SkyFall” නමැති විද්යාත්මක මෙහෙයුම යටතේ හෙලිකොප්ටර් යානා තුනක් අඟහරු මතුපිටට මුදා හැරීමට නියමිතය. මෙමඟින් අනාගතයේදී මිනිසුන් ගොඩබැසීමට සුදුසු ස්ථාන සහ භූගතව පවතින අයිස් ජලය පිළිබඳව ගවේෂණය කරනු ලබයි. මෙම මෙහෙයුම සාර්ථක වුවහොත් 2030 වසරේදී සඳ මත බලශක්තිය නිපදවීම සඳහා “Lunar Reactor 1” මෙහෙයුම දියත් කිරීමටත් නාසා ආයතනය අපේක්ෂා කරයි.
මේ අතර, නාසා ආයතනය සිය ‘Artemis II’ මෙහෙයුම හරහා ගගනගාමීන් සිව්දෙනෙකු සඳ වෙත ගමන් කිරීම ආරම්භ කර ඇති අතර, මෙය සඳ මත ස්ථිර පදනමක් පිහිටුවීමට මඟ පාදන තීරණාත්මක පියවරකි. ඇමෙරිකානු ඩොලර් බිලියන 93ක පමණ මුදලක් වැය වන මෙම දැවැන්ත ව්යාපෘතිය හරහා සඳ මත ඇති වටිනා සම්පත් සොයා ගැනීම, ජලය සහ අයිස් ගවේෂණය, අභ්යවකාශ ආධිපත්යය තහවුරු කර ගැනීම මෙන්ම අනාගතයේදී මිනිසුන් අඟහරු ලොව වෙත යැවීමට අවශ්ය තාක්ෂණික පරීක්ෂණ සිදු කිරීම ප්රධාන වශයෙන් අපේක්ෂා කෙරේ.
