ඊලොන් මස්ක්ගේ (Elon Musk) අභ්යවකාශ ගවේෂණ සමාගම වන SpaceX, සිය කොටස් ප්රථම වරට මහජනතාවට විකිණීම සඳහා (Initial Public Offering – IPO) මූලික ලියකියවිලි ගොනු කර ඇති බව වාර්තා වේ. මෙම දැවැන්ත පියවර හරහා SpaceX සමාගමේ වටිනාකම ඩොලර් ට්රිලියන 1.5ක් දක්වා ඉහළ යා හැකි අතර, එය ඊලොන් මස්ක් ලොව ප්රථම “ට්රිලියනපතියා” බවට පත් කිරීමට සමත් වනු ඇතැයි ආර්ථික විශේෂඥයෝ අනාවැකි පළ කරති.
SpaceX සමාගම මෙමගින් ඩොලර් බිලියන 75ක (යුරෝ බිලියන 65) පමණ මුදලක් රැස් කිරීමට බලාපොරොත්තු වන අතර, එය සාර්ථක වුවහොත් 2019 වසරේ සවුදි ඇරම්කෝ (Saudi Aramco) සමාගම තැබූ ඩොලර් බිලියන 29ක වාර්තාව අභිබවා යමින් ඉතිහාසයේ විශාලතම කොටස් නිකුතුව බවට පත්වනු ඇත. මෙම වසරේ ජූනි මාසයේදී පමණ සිදුවිය හැකි මෙම කොටස් නිකුතුව හරහා රැස්කර ගන්නා මුදල් චන්ද්රිකා දත්ත මධ්යස්ථාන කක්ෂගත කිරීමට, හඳ මත පදනමක් පිහිටුවීමට සහ අනාගතයේදී මිනිසුන් අඟහරු වෙත යැවීමේ මස්ක්ගේ සිහින සැබෑ කර ගැනීමට යොදා ගැනීමට නියමිතය.
මෙම රහස්ය ලියකියවිලි ඇමෙරිකානු සුරැකුම්පත් සහ විනිමය කොමිෂන් සභාව (SEC) වෙත ඉදිරිපත් කර ඇති බව අභ්යන්තර ආරංචි මාර්ග තහවුරු කළ ද, SpaceX සමාගම මේ පිළිබඳව තවමත් නිල ප්රකාශයක් නිකුත් කර නොමැත. PitchBook පර්යේෂණ ආයතනයට අනුව, පසුගිය දෙසැම්බර් මාසයේ පැවති වටිනාකමට වඩා දෙගුණයක වර්ධනයක් මෙමගින් SpaceX සමාගමට හිමිවනු ඇත. මෙය වෝල් ස්ට්රීට් (Wall Street) මූල්ය වෙළඳපොළේ වසරේ සුවිශේෂීම සිදුවීම වනු නොඅනුමානය.
