මැදපෙරදිග කලාපයේ පවතින යුදමය වාතාවරණය හේතුවෙන් මෙරට ආර්ථිකයට සිදුවී ඇති බලපෑම සමනය කරමින් අත්යවශ්ය සේවා අඛණ්ඩව පවත්වාගෙන යාම තහවුරු කිරීමටත්, පවතින රාජ්ය මූල්ය සහ අනුමත රජයේ වියදම් සීමාවන් තුළ රාජ්ය වියදම් දැඩිව කළමනාකරණය කිරීමටත් මුදල්, ක්රමසම්පාදන සහ ආර්ථික සංවර්ධන අමාත්යාංශය තීරණය කර තිබෙනවා.
දැනට පවතින ඉන්ධන නිකුත් කිරීමේ සීමාවන් සහ බදාදා දිනය රජයේ කාර්යාල සඳහා නිවාඩු දිනයක් ලෙස ප්රකාශයට පත් කර තිබීම සැලකිල්ලට ගනිමින් අමාත්ය මණ්ඩලය විසින් විශේෂ තීරණ කිහිපයක් ගෙන තිබෙනවා. ඒ අනුව ප්රථම වතාවට නියෝජ්ය අමාත්යවරුන්, පාර්ලිමේන්තු මන්ත්රීවරුන්, රාජ්ය නිලධාරීන්ට සහ වෙනත් අදාළ කාණ්ඩයන්ට ලබාදෙන ඉන්ධන දීමනාව නැවත දැනුම් දෙන තුරු 2026 මාර්තු 01 වන දින පැවති ඉන්ධන මිල පදනම් කර ගනිමින් ලබා දීමට නියමිතයි.
එමෙන්ම ඉන්ධන දීමනාව වෙනුවට ඉන්ධන ප්රමාණයන් සහ ඉන්ධන මිල පදනම් කර ගනිමින් ගෙවනු ලබන අනෙකුත් සියලුම දීමනා සඳහාද අදාළ වන්නේ 2026 මාර්තු 01 වැනි දින පැවති ඉන්ධන මිල ගණන් පමණක් බවයි අමාත්යාංශය වැඩිදුරටත් අවධාරණය කරන්නේ. දැනටමත් ඉන්ධන ප්රමාණයන් සහ ඉන්ධන දීමනා සඳහා නිකුත් කර ඇති චක්රලේඛ හා උපදෙස් අනුව හිමිව ඇති දීමනා සම්බන්ධයෙන්ද මින් ඉදිරියට මෙම නව ක්රමවේදය අනුගමනය කළ යුතු වනවා.
