ලොව සුප්රකට ව්යවසායක ඉලෝන් මස්ක්ගේ (Elon Musk) අභ්යවකාශ ගවේෂණ සමාගම වන SpaceX, ලෝක ඉතිහාසයේ විශාලතම කොටස් නිකුතුව (IPO) සඳහා සූදානම් වන බව රොයිටර් සහ විදෙස් මාධ්ය අද (02) වාර්තා කළේය. මෙම මූලික මහජන කොටස් නිකුතුව හරහා ඇමෙරිකානු ඩොලර් බිලියන 75ක මුදලක් රැස් කිරීමට එම සමාගම අපේක්ෂා කරයි.
මීට පෙර සෞදි ඇරම්කෝ (Saudi Aramco) සමාගම ඩොලර් බිලියන 29.4ක් රැස් කරමින් තබා තිබූ වාර්තාව බිඳ හෙලීමට SpaceX සූදානම් වේ. මෙම කොටස් නිකුතුවෙන් පසු සමාගමේ සමස්ත වටිනාකම ඩොලර් ට්රිලියන 1.75 ඉක්මවනු ඇතැයි ගණන් බලා තිබේ. ලබන ජුනි මාසයේදී මෙම කොටස් නිකුතුව ඇමෙරිකානු කොටස් වෙළෙඳපොළට පැමිණීමට නියමිතය.
වත්මන් ඉරාන යුද්ධය සහ ගෝලීය ආර්ථික අස්ථාවරත්වය හමුවේ වුවද, ඉලෝන් මස්ක්ගේ මෙම තීරණය ලෝක ආර්ථිකයට නව පණක් ලබා දෙනු ඇතැයි ආර්ථික විශ්ලේෂකයෝ විශ්වාස කරති. SpaceX සමාගම දැනටමත් අභ්යවකාශ තාක්ෂණය සහ Starlink චන්ද්රිකා සන්නිවේදන පද්ධතිය හරහා ලෝකය පුරා විශාල ජනප්රියත්වයක් ලබා ඇති බැවින්, මෙම කොටස් නිකුතුවට ආයෝජකයන්ගෙන් ඉහළ ප්රතිචාරයක් ලැබෙනු ඇතැයි අපේක්ෂා කෙරේ.
