අමෙරිකානු රජය විසින් පනවා ඇති දැඩි බලශක්ති අවහිර කිරීම් (Fuel Blockade) හමුවේ කියුබාව මුහුණ දී සිටින උග්ර ඉන්ධන අර්බුදයට සහනයක් වෙමින්, රුසියාව විසින් දෙවන බොරතෙල් නැවක් ද කියුබාව වෙත එවීමට පියවර ගෙන තිබේ. රුසියානු බලශක්ති අමාත්ය සර්ජි සිවිලියෙව් (Sergei Tsivilev) ඊයේ (අප්රේල් 02) ප්රකාශ කළේ, පළමු නැව සාර්ථකව කියුබාවට ළඟා වූ බවත්, දෙවන නැව මේ වන විට රුසියාවේදී පටවනු ලබන බවත්ය.
2026 ජනවාරි මාසයේදී වෙනිසියුලානු ජනාධිපති නිකොලස් මදුරෝ අත්අඩංගුවට පත්වීමෙන් පසුව කියුබාවට ලැබෙන ප්රධාන තෙල් සැපයුම ඇණහිටි අතර, අමෙරිකානු ජනාධිපති ඩොනල්ඩ් ට්රම්ප් විසින් කියුබාවට තෙල් සපයන රටවලට දැඩි බදු පනවන බවට අනතුරු අඟවා තිබුණි. කෙසේ වෙතත්, රුසියානු ‘ඇනටෝලි කොලොඩ්කින්’ (Anatoly Kolodkin) නෞකාව බොරතෙල් බැරල් 730,000ක් රැගෙන පසුගිය අඟහරුවාදා මටන්සාස් (Matanzas) වරායට ළඟා විය. අමෙරිකානු බලපෑම් හමුවේ මෙක්සිකෝව වැනි රටවල් පවා කියුබාවට තෙල් සැපයීම අත්හිටුවා ඇති පසුබිමක, රුසියාවේ මෙම මැදිහත්වීම කියුබානු ජනතාවට මහත් අස්වැසිල්ලක් වී තිබේ. මෙය අමෙරිකානු අධිරාජ්යවාදී බලපෑම්වලට එරෙහිව රුසියාව සහ කියුබාව අතර පවතින නොසැලෙන මිත්රත්වය තහවුරු කරන්නක් බව දේශපාලන විචාරකයෝ පවසති.
