ඉරානයේ සිවිල් යටිතල පහසුකම් ඉලක්ක කර ගනිමින් දැවැන්ත ප්රහාර එල්ල කරන බවට ඇමරිකානු ජනාධිපති ඩොනල්ඩ් ට්රම්ප් ඊයේ (02) රාත්රියේ යළිත් අනතුරු ඇඟවීමක් කළේය. ඉරානයේ උසම පාලම වූ B1 පාලම විනාශ කිරීමෙන් පසු, ඔහුගේ මීළඟ ඉලක්ක වන්නේ එරට පාලම් සහ විදුලි බලාගාර බව ඔහු සිය සමාජ මාධ්ය ගිණුමෙහි සටහන් කර තිබේ.
“ඇමරිකානු හමුදාව ඉරානය තුළ ඉතිරිව ඇති දේ විනාශ කිරීම තවම ආරම්භ කළා පමණයි. මීළඟට පාලම්, ඉන්පසු විදුලි බලාගාර,” යනුවෙන් ට්රම්ප් සඳහන් කළේය. ඉරාන නායකත්වය තමන් කළ යුත්තේ කුමක්ද යන්න හොඳින් දන්නා බවත්, එය ඉතා ඉක්මනින් කළ යුතු බවත් පවසමින් ඔහු ඉරානයට වොෂින්ටනයේ කොන්දේසිවලට එකඟ වන ලෙස බල කර සිටියි.
කෙසේ වෙතත්, ඇමරිකානු නීති විශාරදයින් පිරිසක් විවෘත ලිපියක් නිකුත් කරමින් පෙන්වා දෙන්නේ සිවිල් වැසියන්ට අත්යවශ්ය මෙවැනි යටිතල පහසුකම්වලට ප්රහාර එල්ල කිරීම 1949 ජිනීවා සම්මුතියට අනුව “යුද අපරාධයක්” විය හැකි බවයි. ජාත්යන්තර මානුෂීය නීතිවලට අනුව යුදමය අවස්ථාවකදී සිවිල් ඉලක්ක සහ හමුදාමය ඉලක්ක පැහැදිලිව වෙන් කර හඳුනාගත යුතු වුවද, ට්රම්ප් පරිපාලනය එම අනතුරු ඇඟවීම් නොතකා සිය ප්රහාරක විලාසය දැඩි කරමින් සිටින බව පෙනී යයි.
