ඇමරිකානු හමුදාව විසින් ඉරානය තුළ ඉතිරිව ඇති ඉලක්ක විනාශ කිරීම තවමත් ආරම්භ කර නොමැති බව පවසමින් ජනාධිපති ඩොනල්ඩ් ට්රම්ප් සිය Truth Social ගිණුම හරහා නවතම අනතුරු ඇඟවීමක් සිදු කර තිබේ ටෙහෙරාන් නුවර සහ කරාජ් (Karaj) නගරය යා කරන ප්රධාන බී 1 (B1) පාලමට එල්ල කළ ප්රහාරයෙන් පසු ඉදිරියේදී තවත් පාලම් සහ ඉරානයේ විදුලි බල පද්ධතිය ඉලක්ක කර ප්රහාර එල්ල කරන බව ඔහු පවසා ඇත ඉරානයේ නව පාලනය විසින් කළ යුතු දේ ඉතා ඉක්මනින් කළ යුතු බවට ද ඔහු මෙහිදී අවධාරණය කර තිබේ
මෙම ප්රකාශයත් සමඟ මැදපෙරදිග කලාපයේ පවතින යුදමය උණුසුම තවදුරටත් ඉහළ ගොස් ඇති අතර ඉරානයේ සිවිල් යටිතල පහසුකම්වලට එල්ල වන මෙම තර්ජනය ගෝලීය අවධානයට ලක්ව ඇත ඇමරිකානු ජනාධිපතිවරයා පවසන්නේ ඉරාන රජය සිය ස්ථාවරය වෙනස් නොකරන්නේ නම් එරට බලශක්ති සහ ප්රවාහන පද්ධතිය සම්පූර්ණයෙන්ම අඩාල කිරීමට තමන් පසුබට නොවන බවයි ජාත්යන්තර ප්රජාව මෙම තත්ත්වය පිළිබඳව දැඩි කනස්සල්ලෙන් පසුවන අතර යුද්ධය තවදුරටත් ව්යාප්ත වීම වැළැක්වීමට මැදිහත් වන ලෙස විවිධ පාර්ශව ඉල්ලා සිටී
