ඉරානයේ බලශක්ති සහ ජලය පිරිපහදු කරන මධ්යස්ථාන (Desalination plants) ඉලක්ක කර ගනිමින් ප්රහාර එල්ල කරන බවට ජනාධිපති ඩොනල්ඩ් ට්රම්ප් කළ ප්රකාශ, ජාත්යන්තර මානුෂීය නීතිය උල්ලංඝනය කිරීමක් සහ “යුද අපරාධ” (War Crimes) ගණයට වැටිය හැකි බවට ඇමරිකානු නීති විශාරදයින් සියයකට අධික පිරිසක් අනතුරු අඟවා තිබේ. හාවර්ඩ්, යේල් සහ ස්ටැන්ෆර්ඩ් වැනි ලොව සුප්රසිද්ධ විශ්වවිද්යාලවල ජාත්යන්තර නීතිය පිළිබඳ මහාචාර්යවරුන් පිරිසක් එක්ව නිකුත් කළ විවෘත ලිපියක මේ බව සඳහන් වේ.
ජනාධිපති ට්රම්ප් සහ පෙන්ටගනයේ ප්රධානියා වන පීට් හෙග්සෙත් (Pete Hegseth) විසින් මීට පෙර සිදුකරන ලද ප්රකාශ මෙහිදී දැඩි විවේචනයට ලක්ව ඇත. විශේෂයෙන්ම මාර්තු මැද භාගයේදී ට්රම්ප් විසින් “විනෝදය සඳහා” (Just for fun) ඉරානයට ප්රහාර එල්ල කළ හැකි බවට කළ ප්රකාශය සහ හමුදා මෙහෙයුම්වලදී ජාත්යන්තර නීති රීතිවලට (Rules of engagement) අනුගත නොවන බවට ආරක්ෂක අංශ ප්රධානීන් කළ ප්රකාශ මෙහිදී උපුටා දක්වා තිබේ.
සිවිල් වැසියන්ට අත්යවශ්ය යටිතල පහසුකම් ඉලක්ක කිරීම 1949 ජිනීවා සම්මුතියට අනුව බරපතල වරදක් බව පෙන්වා දෙන මෙම විශේෂඥයින්, ඇමරිකානු රජයේ මෙම ක්රියාකලාපය ජාත්යන්තර මානව හිමිකම් නීති බරපතල ලෙස උල්ලංඝනය කිරීමක් බව අවධාරණය කරයි. ඉරානය සමඟ පවතින මෙම ගැටුම තවදුරටත් උග්ර වුවහොත් එය ගෝලීය වශයෙන් නීතිමය සහ මානුෂීය අර්බුද රැසකට මග පාදනු ඇති බව ඔවුන්ගේ මතයයි.
