යුරෝපා සංගමයේ අනෙකුත් රටවල් පුනර්ජනනීය බලශක්තිය (Renewables) දෙසට යොමු වෙද්දී, ඉරාන යුද්ධය හේතුවෙන් මතුව ඇති බලශක්ති අර්බුදයට පිළියමක් ලෙස ඉතාලිය සිය ගල් අඟුරු බලාගාර වසා දැමීමේ තීරණය 2038 වසර දක්වා කල් දමා තිබේ. මීට පෙර එම බලාගාර 2025 වසරේදී වසා දැමීමට සැලසුම් කර තිබුණද, වර්තමාන තත්ත්වය හමුවේ එය තවත් වසර 13කින් ප්රමාද කිරීමට ජෝර්ජියා මෙලෝනිගේ (Giorgia Meloni) රජය තීරණය කර ඇත.
පසුගිය අඟහරුවාදා සම්මත කරන ලද නව බලශක්ති පනතට අනුව, දැනට තාවකාලිකව නවතා ඇති ඉතාලියේ ගල් අඟුරු බලාගාර හතර, ගෑස් සහ තෙල් සැපයුමේ ගැටලු උත්සන්න වුවහොත් ඕනෑම මොහොතක යළි ක්රියාත්මක කිරීමට සූදානම් කර තිබේ. බලශක්ති අමාත්ය ගිල්බර්ටෝ පිචෙටෝ ෆ්රැටින් (Gilberto Pichetto Fratin) පෙන්වා දෙන්නේ මෙය වගකිවයුතු සහ නිවැරදි තීරණයක් බවයි.
ඉරාන යුද්ධයේ බලපෑම අවම කර ගැනීම සඳහා අනෙකුත් යුරෝපා රටවල් සූර්ය සහ සුළං බලශක්තිය වැනි විකල්ප කෙරෙහි වැඩි අවධානයක් යොමු කරද්දී, ඉතාලිය ගෙන ඇති මෙම තීරණය පාරිසරික ඉලක්ක සපුරා ගැනීමට බාධාවක් වනු ඇතැයි විවේචකයින් පවසති. කෙසේ වෙතත්, බලශක්ති සුරක්ෂිතතාව වෙනුවෙන් ගෙන ඇති මෙම පියවරට ඉතාලි රජයේ අමාත්යවරුන්ගේ පුළුල් සහයෝගයක් හිමිව ඇත.
