ශ්රී ලංකාවේ ප්රමුඛ පෙළේ තොරතුරු තාක්ෂණ නිෂ්පාදන බෙදාහරින්නෙකු වන IT Gallery Computers (Pvt.) Ltd ආයතනය විසින් පවත්වන ලද PANTUM හවුල්කාර සමුළුව 2026 (PANTUM Partner Summit 2026) පසුගියදා සාර්ථකව නිම වුණා. මෙය ශ්රී ලංකාව තුළ PANTUM සන්නාමයේ 14 වැනි සාර්ථක වසර සනිටුහන් කරමින් පැවැත්වීම විශේෂත්වයක්.
“අඛණ්ඩ නවෝත්පාදනය” (Continuous Innovation) යන තේමාව යටතේ මෙවර සමුළුව සංවිධානය කර තිබුණා. මෙම අවස්ථාවේ ප්රධානතම සන්ධිස්ථානයක් ලෙස PANTUM සිය නවතම මුද්රණ යන්ත්ර (Printer) පෙළ ශ්රී ලංකාවට නිල වශයෙන් හඳුන්වා දුන්නා. ඒ අනුව Smart Classic Series, BM2300 Series Mono Laser Multifunction Printer, BP2300 Series Mono Laser Printer, CP2100 Series Colour Laser Single Function Printer සහ CM2100 Series Colour Laser Multifunction Printer යන නව මාදිලියන් රැසක් වෙළෙඳපොළට නිකුත් කෙරුණා. මේ හරහා මෙරට තරඟකාරී මුද්රණ විසඳුම් වෙළෙඳපොළ තුළ PANTUM සතු ස්ථානය තවදුරටත් ශක්තිමත් වනු ඇති බවයි වාර්තා වන්නේ.
ව්යාපාරික මෙන්ම පෞද්ගලික පරිශීලකයන්ගේ වෙනස් වන අවශ්යතාවලට ගැළපෙන පරිදි මෙම නව මුද්රණ යන්ත්ර පෙළ නිර්මාණය කර තිබෙනවා. ඉහළ කාර්යක්ෂමතාව, විශ්වාසනීයත්වය සහ පිරිවැය සලකා බලමින් උසස් තත්ත්වයේ මුද්රණ අත්දැකීමක් ලබා දීම මෙහි ප්රධාන අරමුණයි.
මේ පිළිබඳව අදහස් දක්වමින් IT Gallery Computers හි අධ්යක්ෂ සහ ප්රධාන විධායක නිලධාරී ඩිලන්ත පෙරේරා මහතා කියා සිටියේ, පසුගිය වසර 14 පුරා PANTUM සමඟ පැමිණි ගමන ශක්තිමත් සබඳතා, පොදු වටිනාකම් සහ විශිෂ්ටත්වය ලබා දීමට ඇති කැපවීම මත පදනම් වූ එකක් බවයි. මෙම උත්සවයේ තවත් සුවිශේෂී අංගයක් වූයේ PANTUM සන්නාමය දිවයින පුරා ව්යාප්ත කිරීමට සහ වෙළෙඳපොළ තුළ ස්ථාවර කිරීමට උපරිම දායකත්වය ලබා දුන් ඉහළම දක්ෂතා දැක්වූ අලෙවි නියෝජිතයන් (Dealers) 20 දෙනෙකු ඇගයීමට ලක් කිරීමයි.
