ඕස්ට්රේලියාවේ බටහිර සිඩ්නි නුවර එමු ප්ලේන්ස් ප්රදේශයේදී ඊයේ (02) සන්ධ්යාවේ සිදුවූ දරුණු පිහි ඇනුමකින් 58 හැවිරිදි පුද්ගලයෙකු ජීවිතක්ෂයට පත්ව තිබේ. ක්ලවුටා ප්ලේස් (Clouta Place) හිදී රාත්රී 6.45 ට පමණ මෙම සිදුවීම වාර්තා වී ඇති අතර, පොලිසිය එම ස්ථානයට පැමිණෙන විටත් අදාළ පුද්ගලයාගේ සිරුරේ ඉහළ කොටසට බරපතල පිහි පහරවල් කිහිපයක් එල්ල වී තිබුණි.
නිව් සවුත් වේල්ස් ගිලන්රථ සේවා නිලධාරීන් විසින් ඔහු බේරා ගැනීමට දැඩි උත්සාහයක් දැරුවද, එම ස්ථානයේදීම ඔහු මියගොස් ඇති බව තහවුරු විය. මෙම සිද්ධිය සම්බන්ධයෙන් “Strike Force Hawklar” යටතේ විශේෂ විමර්ශනයක් ආරම්භ කළ පොලිසිය, එම ස්ථානයේදීම 30 හැවිරිදි පුද්ගලයෙකු අත්අඩංගුවට ගෙන පෙන්රිත් (Penrith) පොලිස් ස්ථානය වෙත රැගෙන ගොස් ඇත.
අත්අඩංගුවට ගත් පුද්ගලයාට එරෙහිව පවුල් අභ්යන්තර ප්රචණ්ඩත්වය (Domestic Violence) මත පදනම් වූ මිනීමැරුම් චෝදනා ගොනු කර තිබේ. ඔහුට ඇප ලබා දීම ප්රතික්ෂේප කර ඇති අතර, අද (03) දින අධිකරණය හමුවට ඉදිරිපත් කිරීමට නියමිතය.
