රුසියානු ගුවන් හමුදාවට අයත් සුකෝයි-30 (Su-30) වර්ගයේ ප්රහාරක යානයක් අද (03) ක්රිමියාවේදී (Crimea) සිදුකළ සාමාන්ය පුහුණු මෙහෙයුමක් අතරතුර කඩා වැටී ඇති බව රුසියානු ‘TASS’ පුවත් ඒජන්සිය වාර්තා කළේය. යානය කඩා වැටීමට මොහොතකට පෙර එහි සිටි ගුවන් නියමුවන් දෙදෙනාම සාර්ථක ලෙස යානයෙන් ඉවතට පැන (Eject) සිය ජීවිත බේරාගෙන ඇති අතර, සහන කණ්ඩායම් විසින් ඔවුන්ව නිරුපද්රිතව මුදාගෙන තිබේ.
අනතුර සිදුවන අවස්ථාවේදී යානය තුළ කිසිදු අවි ආයුධයක් නොතිබූ බවත්, යානය ජනාවාස නොවන ප්රදේශයකට කඩා වැටීම නිසා ගොඩබිම සිටි කිසිවෙකුටත් හානි සිදුව නොමැති බවත් රුසියානු බලධාරීහු තහවුරු කළහ. මෙම යානය කඩා වැටීමට හේතුව මෙතෙක් අනාවරණය වී නොමැති අතර, ඒ පිළිබඳව විධිමත් පරීක්ෂණයක් ආරම්භ කිරීමට නියමිතය.
පසුගිය කාලය පුරාම රුසියානු ගුවන් යානා කිහිපයක්ම මෙලෙස තාක්ෂණික දෝෂ හේතුවෙන් අනතුරට ලක්ව ඇති අතර, මෙම නවතම අනතුර පිළිබඳව ජාත්යන්තර අවධානය ද යොමුව තිබේ. යුක්රේන යුද්ධය සහ ඉරාන යුද්ධය හේතුවෙන් කලාපීය ගුවන් සීමාවන් දැඩි අවදානමක පවතින පසුබිමක මෙම අනතුර සිදුවීම විශේෂත්වයකි.
