සමාජ මාධ්ය ඔස්සේ තමන්ටම ආවේණික වූ අව්යාජ ගැමි විලාසයකින් සහ හාස්යජනක වීඩියෝ මගින් ලාංකීය රසික හදවත් දිනාගත්, ගැමියා නාලිකාවේ ප්රසිද්ධව සිටි දයා අභාවප්රාප්ත වී තිබේ. සිය නිවසේ ඉදිකිරීම් කටයුත්තක නිරත වෙමින් සිටියදී ස්ලැබ් එකකින් ඇද වැටීමෙන් සිදු වූ බරපතල අනතුරක් මෙලෙස ඔහුගේ අකල් මරණයට හේතු වී ඇති බව වාර්තා වේ.
තම නිර්මාණ හරහා සමාජයට හාස්යය මෙන්ම වටිනා පණිවිඩ රැසක් ගෙන ආ ඔහු, වචනයේ පරිසමාප්ත අර්ථයෙන්ම නිහතමානී ගතිගුණවලින් හෙබි කලාකරුවෙකි. ඔහුගේ වියෝව පිළිබඳව දැනගත් සැණින් බොහෝ පිරිසක් සමාජ මාධ්ය ඔස්සේ සිය ශෝකය පළ කරමින් සිටිති. අනුන්ව සිනස්සන්නට උපන් දක්ෂයෙකු වූ දයා මහතාගේ හදිසි සමුගැනීම මුළු රටම සංවේගයට පත් කළ පුවතක් වී තිබේ.
අව්යාජ සිනහවක් මුවට නැගූ ඒ නිහතමානී කලාකරුවාණෙනි, ඔබට නිවන් සුව ලැබේවා!
