පාදුක්ක, හෝමාගම, පැලන්වත්ත සහ පන්නිපිටිය යන ප්රදේශවලට බලපාන පරිදි සිදු කිරීමට සැලසුම් කර තිබූ පැය 24ක ජල කප්පාදුව පැය 18 දක්වා සීමා කිරීමට ජාතික ජල සම්පාදන හා ජලාපවහන මණ්ඩලය තීරණය කර තිබේ. පාරිභෝගිකයන්ගෙන් ඉදිරිපත් වූ ඉල්ලීම් සහ ඔවුන්ට සිදුවන අපහසුතා සැලකිල්ලට ගනිමින් මෙම කාලසීමාව සංශෝධනය කළ බව එම මණ්ඩලය පවසයි.
කාලසීමාව අඩු කළද, මීට පෙර නිවේදනය කරන ලද දිනයන් සහ අදාළ ප්රදේශවල කිසිදු වෙනසක් සිදු නොවන බව මණ්ඩලය අවධාරණය කරයි. අත්යවශ්ය නඩත්තු කටයුත්තක් හේතුවෙන් මෙම ජල කප්පාදුව සිදු කෙරෙන අතර, ජලය අරපිරිමැස්මෙන් භාවිත කරන ලෙසත් පූර්ව සූදානමකින් පසුවන ලෙසත් ජල සම්පාදන මණ්ඩලය ජනතාවගෙන් ඉල්ලා සිටී.
