ඕස්ට්රේලියාවේ පොලිස් නිලධාරීන් දෙදෙනෙකු ඝාතනය කර මාස හතක් තිස්සේ සැඟව සිටි ඩෙසී ෆ්රීමන් හෙවත් ඩෙස්මන්ඩ් ෆිල්බි (Desmond Filby) පසුගිය සඳුදා පොලිස් වෙඩි පහරින් මියගියද ඔහු සැඟව සිටි ආකාරය පිළිබඳව තවමත් ගැටලු රැසක් පවතී වික්ටෝරියා ප්රාන්තයේ දුෂ්කර කැලෑබද ප්රදේශයක පිහිටි ගොවිපළක සැඟව සිටි ඔහු පොලිස් අණ නොතකා වෙඩි තැබීමට උත්සාහ කළ අවස්ථාවේදී පොලිස් ස්නයිපර් ප්රහාරයකින් ජීවිතක්ෂයට පත් විය ඔහු මියගොස් ඇති බවට මීට පෙර පොලීසිය විශ්වාස කළද ඔහු ජීවතුන් අතර සිටින බවට ලැබුණු රහසිගත තොරතුරක් මත මෙම විශේෂ මෙහෙයුම ක්රියාත්මක කර තිබුණි
පොලීසිය පවසන්නේ මෙම සැකකරුට මාස හතක් තිස්සේ සැඟව සිටීමට කිසියම් පිරිසකගේ සහාය ලැබී ඇති බවයි ඔහු සැඟව සිටි ට්රක් රථ බහලුම (Shipping Container) තුළ අලුතින් සවිකළ වායුසමීකරණ පද්ධති සහ මෑතකදී පානය කළ බියර් ටින් හමු වී ඇති අතර එය ඔහු තනිවම සිටි බවට වූ මතය බැහැර කරයි විශේෂයෙන්ම පසුගිය ජනවාරි මාසයේ එම ප්රදේශයේ පැවති දැඩි ලැව්ගිනි හමුවේ පවා ඔහු මෙලෙස සැඟව සිටීම විමර්ශකයින් පුදුමයට පත් කර තිබේ මොහු රජයේ නීති පිළි නොගන්නා ස්වයං පාලන වැසියෙකු (Sovereign Citizen) ලෙස පෙනී සිටි අයෙකු බැවින් එම මතය දරන පිරිස් ඔහුට උදවු කරන්නට ඇති බවට සැක කෙරේ
සැකකරු සිටින තැන පිළිබඳව තොරතුරු ලබා දුන් පාර්ශවය පිළිබඳව රහස්යභාවය රැකීමට පොලීසිය පියවර ගෙන ඇති අතර ඒ වෙනුවෙන් නියම කර තිබූ ඇමරිකානු ඩොලර් මිලියනයක ත්යාග මුදල මෙතෙක් කිසිවෙකු ලබාගෙන නොමැත සැකකරු ජීවතුන් අතර සිටියදී අත්අඩංගුවට ගැනීමට නොහැකි වීම නිසා ඔහුට සහාය දුන් පිරිස් කවුරුන්ද යන්න සහ ඔහු මාස හතක් තිස්සේ සැරිසැරූ ආකාරය පිළිබඳ තොරතුරු අනාවරණය කර ගැනීම පොලීසියට දැඩි අභියෝගයක් වී තිබේ ඕස්ට්රේලියානු ඉතිහාසයේ සිදුකළ විශාලතම මිනිස් දඩයම මෙලෙස අවසන් වුවද ඒ වටා පවතින කුමන්ත්රණ සහ අභිරහස් පිළිබඳව ඉදිරියේදී තවදුරටත් විමර්ශන ක්රියාත්මක වනු ඇත
