ඉරානයට ඉහළින් වෙඩි තබා බිම හෙලූ ඇමරිකානු එෆ් 15 ප්රහාරක යානයේ නියමුවෙකු බේරාගැනීමට ඇමරිකානු ප්රභූ මුදාගැනීමේ කණ්ඩායම් සමත්ව ඇති බව වාර්තා වේ යානයේ සිටි දෙවන නිලධාරියා සෙවීම සඳහා ඉරානය අභ්යන්තරයේ තවමත් මෙහෙයුම් ක්රියාත්මක වන අතර මෙය ලොව අතිශය අවදානම් සහගත මෙහෙයුමක් ලෙස සැලකේ සතුරු කලාපයකට කඩා වැදී මෙලෙස සිදුකරන සෝදිසි කිරීම් හා මුදාගැනීමේ මෙහෙයුම් (Combat Search and Rescue – CSAR) සඳහා ඇමරිකානු ගුවන් හමුදාව විශේෂ පුහුණුව ලත් පැරා රෙස්කියු (Pararescue) ඒකක යොදවනු ලබයි
මෙම පැරා රෙස්කියු ඒකකයේ සාමාජිකයින් සෙබළුන් මෙන්ම දක්ෂ වෛද්ය සහායකයින් ලෙස ද වසර දෙකක දැඩි පුහුණුවක් ලබන පිරිසකි අත්ලාන්තික් සාගරයේ සිට ඕනෑම දුෂ්කර පරිසරයකට පැරෂුට් මඟින් පැනීමට හෝ මුහුද යට කිමිදී මෙහෙයුම් කිරීමට ඔවුහු සමත් වෙති සතුරු හමුදාවන්ට පෙර තම සගයන් සොයා ගැනීම මොවුන්ගේ ප්රධාන අභියෝගයයි ඉරානයේ කුසෙස්තාන් (Khuzestan) ප්රාන්තයට ඉහළින් ඇමරිකානු හෙලිකොප්ටර් යානා සහ ඉන්ධන පිරවුම් යානා පියාසර කරන අයුරු දැක්වෙන වීඩියෝ දර්ශන ද මේ වන විට අන්තර්ජාලයට එක්ව තිබේ
වියට්නාම් යුද සමයේ සිටම මෙවැනි මුදාගැනීමේ මෙහෙයුම් සඳහා ඇමරිකාව සුවිශේෂී තාක්ෂණයක් සහ උපක්රම භාවිතා කරයි කිසිදු සගයෙකු සතුරා අතට පත් නොවීමට වගබලා ගැනීම මෙම ඒකකයේ ප්රධාන ප්රතිඥාවයි මීට පෙර 1995 වසරේ බොස්නියාවේදී සහ 1999 වසරේ සර්බියාවේදී වෙඩි තබා බිම හෙලූ ඇමරිකානු නියමුවන් බේරාගැනීමට ද මෙම කණ්ඩායම් මෙලෙසම සතුරු දේශයන්ට ඇතුළු වී තිබේ ඉරානය වැනි දැඩි ආරක්ෂක වළලු පවතින රටක් තුළ මෙවැනි මෙහෙයුමක් ක්රියාත්මක කිරීම ඇමරිකානු හමුදාවේ පවතින සුවිශේෂී දක්ෂතාවයක් ලෙස ආරක්ෂක විචාරකයෝ පෙන්වා දෙති
