ඉරානය සහ ඇමරිකාව අතර පවතින දැඩි යුදමය උණුසුම මධ්යයේ ඇමරිකාව විසින් ඉදිරිපත් කරන ලද පැය 48 ක සටන් විරාම යෝජනාවක් ඉරානය විසින් ප්රතික්ෂේප කර ඇති බව එරට අර්ධ රාජ්ය පුවත් සේවයක් වන ෆාර්ස් (Fars) පුවත් ඒජන්සිය වාර්තා කරයි නම හෙළි නොකළ ප්රභවයක් උපුටා දක්වමින් පසුගිය සිකුරාදා මෙම තොරතුරු අනාවරණය කර ඇති අතර අදාළ සටන් විරාම යෝජනාව පසුගිය බදාදා දිනයේදී වෙනත් රටක් මැදිහත් කර ගනිමින් ඇමරිකාව විසින් ඉදිරිපත් කර ඇති බව සඳහන් වේ කෙසේ වෙතත් එම මධ්යස්ථ රට කුමක්ද යන්න පිළිබඳව මෙතෙක් අනාවරණය කර නොමැත
මෙම සටන් විරාම යෝජනාව ප්රතික්ෂේප කිරීම සම්බන්ධයෙන් ඇමරිකානු පාර්ශවයෙන් මෙතෙක් කිසිදු නිල ප්රකාශයක් හෝ තහවුරු කිරීමක් සිදු කර නොමැති බව රොයිටර් පුවත් සේවය පවසයි පවතින වාතාවරණය හමුවේ කලාපීය ආරක්ෂාව සහ සාමය උදෙසා මෙවැනි සටන් විරාමයක් අතිශය වැදගත් වුවද ඉරානය එය ප්රතික්ෂේප කිරීම නිසා ඉදිරි දිනවලදී ගැටුම් තවදුරටත් උත්සන්න වීමේ අවදානමක් පවතින බව ආරක්ෂක විචාරකයෝ පෙන්වා දෙති විශේෂයෙන්ම අතුරුදන් වූ ඇමරිකානු ගුවන් නියමුවා සෙවීමේ මෙහෙයුම් ක්රියාත්මක වන මොහොතක මෙවැනි තීරණයක් ගැනීම තත්ත්වය තවදුරටත් සංකීර්ණ වීමට හේතු වී තිබේ
මැදපෙරදිග කලාපයේ පවතින මෙම අස්ථාවර භාවය ලෝක දේශපාලනයට සහ ආර්ථිකයට සෘජුවම බලපෑම් එල්ල කරන බැවින් ජාත්යන්තර ප්රජාව ද මේ පිළිබඳව දැඩි අවධානයෙන් පසුවේ රුසියාව සහ ඊශ්රායලය වැනි රටවල් ද මෙම ගැටුමට විවිධ මට්ටමින් සම්බන්ධ වී සිටීම නිසා සාමකාමී විසඳුමක් කරා එළඹීම වඩ වඩාත් දුෂ්කර වී ඇත ඉරානය සිය ස්ථාවරය දැඩි කර ගැනීමත් සමඟ කලාපයේ පවතින යුදමය අවදානම තවදුරටත් ඉහළ ගොස් තිබේ
