උතුරු නැගෙනහිර උතුරුමැද මධ්යම සහ සබරගමුව පළාත්වලත් පුත්තලම ගාල්ල සහ මාතර දිස්ත්රික්කවලත් අද පස්වරු 2.00 න් පසුව තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව පවසයි බස්නාහිර පළාතේ සහ යාපනය පුත්තලම දිස්ත්රික්කවල වෙරළබඩ ප්රදේශවල උදෑසන කාලයේදීත් වැසි ඇති වීමේ හැකියාවක් පවතී මධ්යම සබරගමුව සහ ඌව පළාත්වලත් අම්පාර දිස්ත්රික්කයේත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකි බව ද එම දෙපාර්තමේන්තුව සඳහන් කරයි
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි මේ දිනවල සූර්යයා දෘශ්ය ලෙස උතුරට ගමන් කිරීම හේතුවෙන් අප්රේල් 05 සිට 15 දක්වා දිනවල ශ්රී ලංකාවට සෘජුවම ඉහළින් හිරු පවතින බව වාර්තා වේ අද දින දහවල් 12.13 ට බේරුවල ගුරුළුබැද්ද රක්වාන ගොඩකවෙල උඩවලව සහ තණමල්විල යන ප්රදේශවලට හිරු මුදුන් වීමට නියමිතව තිබේ
හිරු මුදුන් වීමත් සමඟ පවතින අධික උණුසුම් කාලගුණය හේතුවෙන් සෞඛ්යාරක්ෂිත පියවර අනුගමනය කිරීම වැදගත් වන අතර ප්රමාණවත් පරිදි ජලය පානය කිරීම සහ සෘජු හිරු එළියට නිරාවරණය වීම අවම කර ගැනීම සුදුසු බව සෞඛ්ය අංශ උපදෙස් දෙයි ඉදිරි දින කිහිපය තුළ ද දිවයිනේ ප්රදේශ කිහිපයකට පස්වරුවේ වැසි ඇති විය හැකි බව කාලගුණ විද්යා දෙපාර්තමේන්තුව වැඩිදුරටත් පුරෝකථනය කරයි අකුණු අනතුරු පිළිබඳව ද ජනතාව වඩාත් සැලකිලිමත් විය යුතුය
