එළැඹෙන උත්සව සමය වෙනුවෙන් පාරිභෝගික ජනතාව සුරාකෑමෙන් වැළැක්වීම සඳහා විශේෂ මෙහෙයුමක් ආරම්භ කර ඇති බව පාරිභෝගික කටයුතු පිළිබඳ අධිකාරියේ සභාපති හේමන්ත සමරකෝන් මහතා අද (06) ප්රකාශ කළේය. මේ වසරේ මේ දක්වා කාලය තුළ පමණක් වැටලීම් 5,000කට ආසන්න ප්රමාණයක් සිදු කර ඇති අතර, පසුගිය මාර්තු 20 වැනිදා සිට මේ දක්වා වැටලීම් 1,000කට අධික සංඛ්යාවක් සිදු කර නීතිමය පියවර ගෙන තිබේ.
විශේෂයෙන් සහල් සඟවා තබා ගැනීම සහ වැඩි මිලට අලෙවි කිරීම සම්බන්ධයෙන් ව්යාපාරිකයින් 170කට අධික පිරිසකට එරෙහිව නීතිමය ක්රියාමාර්ග ගෙන ඇති බව සභාපතිවරයා සඳහන් කළේය. මැදපෙරදිග පවතින යුදමය වාතාවරණය හමුවේ ඇතැම් භාණ්ඩවල මිල ඉහළ යාමේ ප්රවණතාවක් පැවතියද, වෙළෙඳපොළේ භාණ්ඩ හිඟයක් ඇති නොවීමට ආනයනකරුවන් සහ දේශීය නිෂ්පාදකයින් සමඟ අඛණ්ඩව සාකච්ඡා පවත්වන බව ඔහු වැඩිදුරටත් පැවසීය.
මේ අතර, පෞද්ගලික අංශයේ ගෑස් සැපයුමේ පවතින සුළු හිඟය මඟහරවා ගැනීම සඳහා නව ගෑස් නෞකාවක් මෙරටට පැමිණ ඇති අතර, එහි නිෂ්පාදන කටයුතු මේ වන විට සිදුවෙමින් පවතී. උත්සව සමය ඉලක්ක කර ගනිමින් ගෑස් හෝ වෙනත් අත්යවශ්ය භාණ්ඩ සඟවා තබා ගන්නා වෙළෙඳුන්ට එරෙහිව දැඩිව නීතිය ක්රියාත්මක කරන බවට ද පාරිභෝගික අධිකාරිය අනතුරු අඟවයි.
