මෙක්සිකෝවේ සිනාලෝවා (Sinaloa) ප්රාන්තයේ කොන්කෝඩියා ප්රදේශයේදී ඉකුත් ජනවාරි මස අගභාගයේදී පැහැරගනු ලැබූ තම සේවකයන් 10 දෙනාගෙන් 9 දෙනෙකුම මියගොස් ඇති බව කැනඩාවේ “විස්ලා සිල්වර්” (Vizsla Silver) පතල් සමාගම ඊයේ (06) නිල වශයෙන් තහවුරු කළේය.
පසුගිය පෙබරවාරි මාසයේදී මෙක්සිකානු නීතිපති කාර්යාලය විසින් අදාළ ප්රදේශයේ තිබී මළසිරුරු 10ක් සොයාගත් අතර, ඒ වන විට ඉන් 5 දෙනෙකු හඳුනාගෙන තිබුණි. පසුව තවත් සේවකයන් දෙදෙනෙකු මියගිය බව තහවුරු වූ අතර, අවසානයේ තවත් දෙදෙනෙකුගේ අනන්යතාවය තහවුරු වීමත් සමඟ මෙම මරණ සංඛ්යාව 9 දක්වා ඉහළ ගොස් ඇත.
මෙම පැහැර ගැනීම සිදු වූ ප්රදේශය සුප්රකට මත්ද්රව්ය ජාවාරම්කරුවෙකු වන “එල් චැපෝ” ගේ පුත්රයන් විසින් මෙහෙයවනු ලබන “ලොස් චැපිටෝස්” (Los Chapitos) කල්ලියේ පාලනය යටතේ පවතින බව ආරක්ෂක අංශ පෙන්වා දෙයි. මෙම ම්ලේච්ඡ ඝාතන සම්බන්ධයෙන් මෙක්සිකානු බලධාරීන් පවත්වන විමර්ශන සඳහා තමන් උපරිම සහයෝගය ලබා දෙන බව කැනඩාවේ වැන්කුවර් නුවර මූලස්ථානය කරගත් විස්ලා සිල්වර් සමාගම වැඩිදුරටත් සඳහන් කළේය.
