උතුරු කොරියානු නායක කිම් ජොන් අන්ගේ බලවත් සහෝදරිය වන කිම් යෝ ජොං (Kim Yo Jong) ප්රකාශ කර ඇත්තේ, මේ වසර මුලදී උතුරු කොරියාවට ඩ්රෝන යානා යැවීම සම්බන්ධයෙන් දකුණු කොරියානු ජනාධිපති ලී ජේ මියුන්ග් (Lee Jae Myung) පළ කළ කනගාටුව “බුද්ධිමත් හැසිරීමක්” බවයි.
පසුගිය ජනවාරි මාසයේදී උතුරු කොරියාවේ අගනුවර වන ප්යොන්ග්යැන්ග් වෙත ඩ්රෝන යානා යැවීම සම්බන්ධයෙන් දකුණු කොරියාව මුලදී වගකීම ප්රතික්ෂේප කළද, ඒ පිළිබඳව සිදුකළ විමර්ශනයකින් පසු රජයේ නිලධාරීන් ඊට සම්බන්ධ වී ඇති බව ජනාධිපතිවරයා පිළිගත්තේය. මෙම ක්රියාව “වගකීම් විරහිත” ක්රියාවක් ලෙස හැඳින්වූ ජනාධිපතිවරයා, එවැනි දෑ නැවත සිදු නොවීමට පියවර ගන්නා බවට ද සහතික විය.
මීට ප්රතිචාර දක්වමින් කිම් යෝ ජොං මහත්මිය සඳහන් කළේ, දකුණු කොරියානු ජනාධිපතිවරයා පෞද්ගලිකවම කණගාටුව පළ කිරීම සහ එය වැළැක්වීමට පියවර ගැනීම ඉතා වාසනාවන්ත මෙන්ම බුද්ධිමත් ක්රියාවක් ලෙස තම රජය අගය කරන බවයි. ඩ්රෝන යානා දේශ සීමා හරහා පැමිණියහොත් “බිහිසුණු ප්රතිචාරයක්” ලබා දෙන බවට උතුරු කොරියාව මීට පෙර අනතුරු අඟවා තිබූ අතර, දකුණු කොරියාවේ මෙම නව ස්ථාවරය කලාපීය ආතතිය යම්තාක් දුරට සමනය කිරීමට හේතු වනු ඇතැයි දේශපාලන විචාරකයෝ අපේක්ෂා කරති.
