ලබන ඉරිදා හංගේරියාවේ පැවැත්වීමට නියමිත තීරණාත්මක පාර්ලිමේන්තු මැතිවරණයට පෙර, එරට අගමැති වික්ටර් ඕර්බන් (Viktor Orbán) මහතාට සිය සහයෝගය පළ කිරීම සඳහා ඇමෙරිකානු උප ජනාධිපති ජේ.ඩී. වෑන්ස් ඊයේ (06) රාත්රියේ හංගේරියාව බලා පිටත් විය. මෙය ඇමෙරිකානු ජනාධිපති ඩොනල්ඩ් ට්රම්ප් විසින් තම දේශපාලන මිත්රයෙකු වන ඕර්බන් මහතා වෙත ලබා දෙන සෘජු සහයෝගයක් ලෙස සැලකේ.
අද (07) පෙරවරුවේ අගමැතිවරයා හමුවන උප ජනාධිපතිවරයා, අනතුරුව “හංගේරියානු-ඇමෙරිකානු මිත්රත්ව දිනය” වෙනුවෙන් පැවැත්වෙන දැවැන්ත ජනහමුවක් ද ඇමතීමට නියමිතය. ඇමෙරිකාව සහ හංගේරියාව අතර සබඳතා මෙන්ම යුරෝපයේ වත්මන් තත්ත්වය සහ යුක්රේන යුද්ධය පිළිබඳව ද මෙහිදී සාකච්ඡා කෙරෙනු ඇතැයි වෑන්ස් මහතා මාධ්ය වෙත ප්රකාශ කළේය.
වික්ටර් ඕර්බන් මහතා සිය මැතිවරණ ව්යාපාරය තුළ ඩොනල්ඩ් ට්රම්ප් සහ රුසියානු ජනාධිපති ව්ලැඩිමීර් පුටින් සමඟ පවතින සමීප සබඳතාව ප්රධාන තේමාව කරගෙන ඇතත්, ස්වාධීන මත විමසුම් පෙන්වා දෙන්නේ පීටර් මැග්යාර් (Péter Magyar) ප්රමුඛ යුරෝප හිතවාදී “ටිසා” (Tisza) පක්ෂය මෙවර මැතිවරණයේදී ඕර්බන්ගේ පාලනයට දැඩි අභියෝගයක් එල්ල කරනු ඇති බවයි. ට්රම්ප් පරිපාලනය මීට පෙර ද සිය විදේශ ලේකම් මාර්කෝ රුබියෝ හංගේරියාවට යවමින් ඕර්බන්ගේ ජයග්රහණය වෙනුවෙන් ප්රසිද්ධියේ පෙනී සිටියේය.
